قىرعىزستانعا 55 توننا بەنزيندى زاڭسىز وتكىزبەك بولعاندار ۇستالدى
2021 -جىلعى 10-ماۋسىمدا «ايشا ءبيبى» وتكىزۋ پۋنكتىندە جامبىل وبلىسى بويىنشا مكد ەكسپورتتىق باقىلاۋ باسقارماسىنىڭ لاۋازىمدى تۇلعالارى، سونداي- اق ق ر ۇ ق ك ش ق اسكەري قىزمەتشىلەرى قىرعىز رەسپۋبليكاسىنا بەنزيندى زاڭسىز اكەتۋ فاكتىسىنىڭ جولىن كەستى.
جالپى سانى 54,6 توننا «كۇردەلى سۇيىلتقىش» تاۋارى بار، قىرعىز نومىرلەرى بار «داف»» ماركالى اۆتوكولىك قۇرالدارى ۇستالدى، جونەلتۋشى- ج ش س تاراز قالاسىندا تىركەلگەن، الۋشى قىرعىز رەسپۋبليكاسىنىڭ جەكە كاسىپكەرى بولىپ تابىلادى. اۆتوكولىك قۇرالدارى ۇستالعاننان كەيىن ماتەريال جامبىل وبلىسى بويىنشا ەكونوميكالىق تەرگەۋ دەپارتامەنتىنە جىبەرىلدى. ق ر ق م م ك ك ورتالىق كەدەن زەرتحاناسىنداعى فيزيكالىق- حيميالىق زەرتتەۋلەر تاۋاردىڭ تاۋارعا ىلەسپە قۇجاتتاردا كورسەتىلگەن تاۋارعا سايكەس كەلمەيتىنىن كورسەتتى.
بۇزۋشىلار «سۇيىلتقىشتىڭ» ورنىنا جالپى سوماسى 7 ميلليون تەڭگەگە ا ي-80 ماركالى بەنزيندى شىعارۋعا تىرىستى.
«قازىرگى ۋاقىتتا جامبىل وبلىسى بويىنشا ەكونوميكالىق تەرگەۋ دەپارتامەنتى قر قىلمىستىق كودەكسىنىڭ 197 - بابىنىڭ 3-بولىگى (مۇناي جانە مۇناي ونىمدەرىن تاسىمالداۋ، ساتىپ الۋ، ساتۋ، ساقتاۋ، سونداي- اق ولاردىڭ شىعۋ زاڭدىلىعىن راستايتىن قۇجاتتارسىز مۇناي وڭدەۋ) بويىنشا قىلمىستىق قۇقىق بۇزۋشىلىق جاسادى»، - دەپ حابارلادى م ك ك.
قىلمىستىق قۋدالاۋ ورگانى ق ر زاڭناماسى اياسىندا سوتقا دەيىنگى تەرگەۋ جۇرگىزۋدە.
