استانادا 55 جىل بۇرىن سالىنعان ەسكى مەكتەپتىڭ جانىنان جاڭا عيمارات بوي كوتەرۋدە

بۇل جايىندا شاھار باسشىسى التاي كولگىنوۆ Instagram پاراقشاسىندا مالىمەت تاراتتى. «55 جىل بۇرىن سالىنعان ەكى مەكتەپكە باردىم. ونىڭ ءبىرى - №23 ورتا مەكتەپ (ءوندىرىس تۇرعىن الابى). وقۋ ورنىنىڭ جوبالىق قۋاتى - 350 ورىن. بۇل مەكتەپكە مەملەكەت باسشىسى بارىپ، جاڭا مەكتەپ سالۋدى تاپسىرعان بولاتىن. قازىرگى وقۋ ورنى اۋماعىندا جاڭا بەس قاباتتى مەكتەپ سالىپ جاتىرمىز. ول تاعى 1200 وقۋشىنى ەكى اۋىسىمدا قابىلداي الادى. ياعني، جاڭا مەكتەپ قازىرگىدەن ەكى ەسە ۇلكەن بولادى. بۇعان قوسا №25 ورتا مەكتەپ (ەسكى ۆوكزال اۋدانى) ديرەكتورى جانە مۇعالىمدەرىمەن كەزدەستىم» دەپ جازدى اكىم.

ونىڭ ايتۋىنشا، ەسكى ۆوكزال ماڭىندا تاعى ءبىر مەكتەپ سالۋ ماسەلەسى قاراستىرىلادى. سەبەبى سۇرانىس بار ءارى بۇل اۋدان - ەلوردانىڭ حالىق ەڭ كوپ تۇراتىن اۋدانى.

«بيىل 2019 -جىلمەن سالىستىرعاندا ەكى ەسە كوپ مەكتەپ سالدىق. بارلىعى - 12 مەكتەپ. سونداي- اق، بۇرىن مەكتەبى بولماعان تۇرعىن الاپتارىندا دا سالىندى. كوكتەمنەن باستاپ 2021 -جىلعا دايىندالدىق. ەندى شاعىن مەكتەپتەردەن ۇلكەن مەكتەپتەر قۇرىلىسىنا كوشەمىز» دەيدى التاي كولگىنوۆ. كەلەسى جىلى 20 مىڭ ورىندىق (ەكى اۋىسىممەن - 40 مىڭ ورىن) مەكتەپتەر سالىنادى دەپ جوسپارلانعان. بۇل - وقۋشىلار ورنى 2020 -جىلدان ەكى ەسە، ال 2019 -جىلدان 4 ەسە كوپ بولادى دەگەن ءسوز.