پرەزيدەنت: 55 جاستان اسقان ادامداردىڭ جۇمىسقا شىعۋىن بارىنشا شەكتەۋ قاجەت
«تاجىريبە «تاۋەكەل توبى» دەپ اتالاتىن تۇلعالاردىڭ مەديتسينا جۇيەسىنە ۇلكەن جۇكتەمە سالاتىندىعىن جانە ولاردىڭ اراسىندا ءولىم- ءجىتىمنىڭ جوعارى ەكەندىگىن كورسەتىپ وتىر. ولار دەنساۋلىعىندا كىناراتى، سوزىلمالى اۋرۋمەن اۋىراتىن 55 جاستان اسقان ازاماتتار. ولاردىڭ جۇمىسقا شىعۋىن بارىنشا شەكتەپ، ۇيدە وقشاۋلانۋ رەجيمىمەن قامتاماسىز ەتۋ قاجەت» ، - دەدى قاسىم- جومارت توقايەۆ.
مەملەكەت باسشىسى ەلىمىزدەگى بارلىق حالىققا قىزمەت كورسەتۋ ورتالىقتارىن ۋاقىتشا جابۋ قاجەتتىگىن باسا ايتتى. بۇل رەتتە بارلىق قىزمەتتەردى ونلاين الۋ مۇمكىندىگى قامتاماسىز ەتىلۋى تيىستىگىن قاتاڭ ەسكەرتتى. «حالىقتىڭ كىرۋى ساقتالاتىن قوعامدىق نىسانداردا سانيتارلىق وڭدەۋ تالاپتارى مۇلتىكسىز ورىندالۋى ءتيىس. بۇل رەتتە ەشقانداي «ۇنەمدەۋ» مەن «وڭتايلاندىرۋعا» جول جوق» ، - دەدى قازاقستان پرەزيدەنتى.
