الماتىدا ەلەكتروندىق ساۋدا ءبىر جىلدا 55 پايىز ءوستى
بۇل تۋرالى Almaty Invest ينۆەستيتسيالىق فورۋمىندا الماتى اكىمى باۋىرجان بايبەك ايتتى، دەپ حابارلايدى قازاقپارات ءتىلشىسى.
«ءبىز Smart-تەحنولوگيالاردى بەلسەندى تۇردە ەنگىزىپ كەلەمىز. مەملەكەتكە جۇگىنۋ پروتسەدۋراسى جەڭىلدەتىلدى. الماتىدا كاسىپتى قاعازسىز جۇرگىزۋگە بولادى. ينتەرنەت ارقىلى كاسىپ اشۋعا، شوت- فاكتۋرالار جازىپ بەرۋگە، بانك وپەراتسيالارىن جۇرگىزۋگە، سالىق ەسەبىن تاپسىرۋعا، قۇرىلىسقا رۇقسات الۋعا بولادى»، - دەيدى باۋىرجان بايبەك.
قازپوشتانىڭ دەرەكتەرىنە سۇيەنسەك، بۇگىندە ەلىمىزدەگى بۇكىل ەلەكتروندىق ساۋدانىڭ جارتىسىنان استامى الماتىنىڭ ۇلەسىنە تۋرا كەلەدى، جىلدىق ءوسىم % 55 قۇرايدى. سونداي- اق ينتەرنەت- دۇكەندەر اينالىمىنىڭ 47 پايىز، قولما- قول اقشاسىز تولەمدەردىڭ 64 پايىز الماتىعا تيەسىلى. Big Data قالىپتاسقان. ماسەلەن، بىرىككەن ۇلتتار ۇيىمىنىڭ جۋىرداعى رەيتينگىندە الماتى ەلەكتروندىق ۇكىمەتتى دامىتۋ بويىنشا 25-ورىن العان بولاتىن.