11:08, 18 - جەلتوقسان 2016 | GMT +5
دۇنيەجۇزىلىك بوكس كەڭەسى 55-كونۆەنتسيانى قازاقستاندا وتكىزۋ تۋرالى رەسمي جاريالادى
استانا. قازاقپارات - دۇنيەجۇزىلىك بوكس كەڭەسى (WBC) 2017-جىلى جىل سايىنعى 55- كونۆەنتسيا قازاقستاندا وتكىزىلەتىنى تۋرالى رەسمي جاريالادى، دەپ حابارلايدى قازاقپارات ءتىلشىسى.
بۇل تۋرالى حولليۆۋدتە (فلوريدا) وتكەن (11-17- جەلتوقسان) WBC 54- كونۆەنتسياسىندا دۇنيەجۇزىلىك بوكس كەڭەسى ماقۇلدادى.
ايتا كەتەيىك، تاياۋدا WBC بەلبەۋىنىڭ جاڭا ديزاينىندا قازاقستاننىڭ تۋى بەينەلەنەدى. بۇل گەنناديي گولوۆكين WBC تيتۋلى مەن بەلبەۋىن جەكپە-جەكسىز العاننان كەيىن مۇمكىن بولدى.
مەكسيكالىق بوكسشى ساۋل كانەلو الۆارەس قازاقستاندىق چەمپيونمەن جۇدىرىقتاسۋدان باس تارتقان ەدى.
اۆتور: كۇنسۇلتان وتارباي
