وسىدان 55 جىل بۇرىن الەمدە العاشقى رەت عارىشقا تاۋلىك بويى ۇشۋ جاسالدى
گەرمان ستەپانوۆيچ تيتوۆ - ء بىرىنشى جاساقتىڭ عارىشكەرى جانە عالامشارداعى ەكىنشى عارىشكەر، ەڭ جاس عارىشتى باعىندىرۋشى، ول سول كەزدە نەبارى 25 جاسقا تولعان ەدى.
گەرمان تيتوۆ 1961 -جىلعى 6-7 - تامىز كۇندەرى «ۆوستوك-2» عارىش كەمەسىمەن ۇشتى. بۇل تاريحتا العاش رەت ۇشۋ ۇزاقتىعى تاۋلىكتەن اسقان عارىشتىڭ ۇشۋ بولاتىن. 25 ساعاتتىڭ ىشىندە تيتوۆ جەردى 17 رەت اينالىپ، 700 مىڭ شاقىرىمنان استام قاشىقتىققا ۇشىپ ءجۇردى.
ۇشۋ كەزىندە عارىشكەر بورت جۇيەسىنىڭ جۇمىسىن باقىلادى، ەكى رەت كەمەنى ءوزى باسقارۋدى قولعا الدى، سونداي- اق جەردىڭ جانە عارىشتىڭ فوتو ءتۇسىرىلىمىن جۇرگىزدى.
گەرمان تيتوۆ الەمدە العاش رەت عارىشتا كينوتۇسىرىلىم جاسادى، سونداي- اق ۇشۋ كەزىندە دەنە شىنىقتىرۋ جاساعان العاشقى عارىشكەر بولدى. ءبىر قىزىعى، ول العاش رەت وربيتادا تۇستەنىپ، كەشكى اسىن ءىشىپ، ۇيىقتادى.
گەرمان ستەپانوۆيچ تيتوۆتىڭ تاۋلىكتىك ۇشۋ ساپارى ۇزاققا سوزىلعان وربيتالىق ەكسپەديتسيالارعا العاشقى قادام جانە يۋري الەكسەيەۆيچ گاگاريننىڭ ۇشۋىنان كەيىنگى عارىشتى زەرتتەۋدىڭ كەلەسى كەزەڭى بولدى، دەپ اتاپ وتەدى رەسەيلىك ع د و. 
