21:03, 19 - ءساۋىر 2016 | GMT +5
پولشادا نارەستە اناسى قايتىس بولعان سوڭ 55 كۇننەن كەيىن ومىرگە كەلگەن
استانا. قازاقپارات - پولشانىڭ ۋنيۆەرسيتەتتىك اۋرۋحاناسىندا 55 كۇن بۇرىن قايتىس بولعان انانىڭ ءسابيى دۇنيەگە كەلدى.
دارىگەرلەردىڭ ايتۋىنشا، بۇل جاعداي زاماناۋي تەحنولوگيا قۇرالدارىنىڭ كومەگىمەن بولعان.
41 جاستاعى ايەل قاتەرلى ىسىكپەن اۋىرعان. ناۋقاستىڭ مي جۇيەسىنىڭ توقتاعانى انىقتالعاندا ول 17 اپتالىق سابيىنە جۇكتى بولعان. ايەلدىڭ جۇرەك سوعىسى سوعىپ تۇرعاندىقتان دارىگەرلەر ءسابيدىڭ ءومىرى ءۇشىن كۇرەسۋدى جالعاستىرا بەرگەن.
55 كۇن وتكەن سوڭ دارىگەرلەر ءسابيدى كەسىر تىلىگى ارقىلى ومىرگە اكەلگەن.
نارەستە 9 -قاڭتار كۇنى ومىرگە كەلگەن. ول كەزدە ونىڭ سالماعى 1 كەلى عانا بولعان. نارەستە ومىرگە كەلگەننەن كەيىن ونى ينتەنسيۆتى تۇردە تاماقتاندىرعان. ەكى اي وتكەن سوڭ ءسابيدى اۋرۋحانادان شىعارعان. قازىر سالماعى 3 كەلى بولاتىن ۇل بالانىڭ دەنى ساۋ ەكەنى انىقتالدى. ءسابيدى اكەسى قاراپ جاتىر.
Stan.kz
