بايقوڭىر يۋري گاگاريننىڭ عارىشقا ۇشۋىنىڭ 55 جىلدىعىن كوروليەۆ داڭعىلىندا شەرۋمەن اتاپ ءوتتى - فوتو
ادامزاتتىڭ عارىشقا ۇشۋى وسى جەردەن باستالدى، بايقوڭىر الەمدىك عارىشتىڭ وتانىنا اينالدى، جۇزدەگەن عارىشكەرلەر وسى جەردەن ۇشىرىلدى.
بايقوڭىر قالاسى اكىمشىلىگىنىڭ باسشىسى اناتولي پەترەنكو جانە «بايقوڭىر» كەشەنىندەگى ق ر پرەزيدەنتىنىڭ ارنايى وكىلى سەرىك قوجانيازوۆ قالا تۇرعىندارىن مەرەكەمەن قۇتتىقتادى.
جەردەگى عارىش ينفراقۇرىلىمىن پايدالانۋ ورتالىعىنىڭ ۇزدىك قىزمەتكەرلەرىنە رەسەي عارىش ناگرادالارى مەن ورتالىق ورگاننىڭ ىنتالاندىرۋ سىيلىقتارىن «وڭتۇستىك» عارىش ورتالىعىنىڭ باسشىسى ميحايل ۆاردانيان ۇسىندى.
12- ءساۋىردىڭ تاڭى ادەتتەگىدەي جەڭىلاتلەتيكالىق ەستافەتا مەن ۆەلوجارىستان (32 شاقىرىم) باستالدى. قاتىسۋشىلار «گاگارين ۇشىرۋ الاڭىنان» بايقوڭىر قالاسىنىڭ ورتالىق بولىگىنە قاراي جۇگىردى.
بايقوڭىر تۇرعىندارى مەن قوناقتارى گاگارين ەسكەرتكىشى ماڭىنداعى سالتاناتتى ميتينگكە قاتىستى. مۇندا ەسكەرتكىشكە گۇل شوقتارىن قويدى. كەيىن بايقوڭىرلىق وقۋشىلار وزدەرى قۇراستىرعان زىمىران مودەلدەرىن ۇسىندى.
مەرەكەلىك شارالار كوروليەۆ داڭعىلىنداعى شەرۋمەن جالعاستى. ول قالانىڭ ورتالىق الاڭىندا «ادامعا تابىن، جەر ەندى» كونسەرتتىك باعدارلاماسىمەن اياقتالدى.
مەرەكەلىك شەرۋگە رەسەي عارىش كاسىپورىندارى، قالالىق ۇيىمدار بەلسەنە قاتىستى. ولاردىڭ ىشىندە بايقوڭىر قالاسىنداعى ق ر ءى ءى م وكىلدىگى، ق ر ي د م اەروعارىش كوميتەتىنىڭ «ينفراكوس» ر م ك ۇجىمى بار.
«ماسكەۋ-بايقوڭىر» اۆتوجارىسىنا قاتىسقاندار دا قالاداعى مەرەيتويلىق شاراعا كۋا بولدى.
