استانادا كۋۆەيت مەملەكەتى تاۋەلسىزدىگىنىڭ 55 جىلدىعىنا وراي شارا ءوتتى - فوتو
استانا. قازاقپارات - تاۋەلسىزدىگىنىڭ 55 جىلدىعى مەن ازاتتىعىنىڭ 25 جىلدىعىن مەرەكەلەۋ قارساڭىندا كۋۆەيت مەملەكەتىنىڭ ەلشىلىگى استانادا ريكسوس - استانا قوناقۇيىندە سالتاناتتى قابىلداۋ وتكىزۋ قۇرمەتىنە يە بولدى.
ولار قوناق رەتىندە ديپلوماتيالىق كورپۋس وكىلدەرى، كورنەكتى قازاقستاندىق ساياسات، ەكونوميكا، قوعام قايراتكەرلەرىن، جەرگىلىكتى قوعامدىق ۇيىمدار، كومپانيالار، ب ا ق وكىلدەرىن، ونىڭ ىشىندە قۇرمەتتى قوناق - ق ر قارجى مينيسترلىگىنىڭ جاۋاپتى حاتشىسى، مارتەبەلى حانىم ناتاليا كورجوۆانى قابىلدادى.
قازاقستان رەسپۋبليكاسىنداعى كۋۆەيت مەملەكەتى ىستەرىندە ۋاقىتشا سەنىمدى تۇلعا حاليد ال- ۋاززان مىرزا قوناقتار الدىندا كىرىسپە ءسوز سويلەدى. ول كۋۆەيتتىڭ قالىپتاسۋ تاريحى جايلى، ەكونوميكالىق دامۋ كوزدەرى مەن ءتۇرلى ەلدەردەگى كوپتەگەن سىرتقى ينۆەستيتسيالارى تۋرالى قىسقاشا ايتىپ ءوتتى. سونداي- اق قۇرمەتتى حاليد ال- ۋاززان مىرزا الەمنىڭ كوپتەگەن ەلىنە، ونىڭ ىشىندە سيريا حالقىنا كورسەتكەن گۋمانيتارلىق جۇمىستارى مەن كومەكتەرىندە ەل مەن ونىڭ باسشىلىعىنىڭ جەتەكشىلىك ءرولىن ەرەكشە اتاپ ءوتتى.
سونىمەن بىرگە، 1997 -جىلى قازاقستان پرەزيدەنتى ن. نازاربايەۆتىڭ كۋۆەيت مەملەكەتىنە ساپارىنا ەرەكشە توقتالىپ ءوتىپ، قازاقستاندىق- كۋۆەيتتىك قاتىناستاردىڭ جاي- كۇيى مەن پەرسپەكتيۆالارىنا توقتالدى. وسىعان وراي سپيكەر كۋۆەيتتىڭ اۋىل شارۋاشىلىعى مينيسترلىگىنىڭ قازرگى عيماراتىن سالۋعا 10 ميلليون دوللار جانە ارال ماڭىن سۋمەن جابدىقتاۋ جوباسىنىڭ ت ە ن ازىرلەۋگە 1,3 ميلليون دوللار ءبولۋ سياقتى ءتۇرلى گرانتتار رەتىندە قازاقستان ەكونوميكاسىنا ۇلەسىن ەسكە سالدى.
ق ر قارجى مينيسترلىگىنىڭ جاۋاپتى حاتشىسى، ساۋدا- ەكونوميكالىق ىنتىماقتاستىق بويىنشا قازاقستاندىق- كۋۆەيتتىك بىرلەسكەن كوميسسياسىنىڭ تەڭ ءتوراعاسى ناتاليا كورجوۆا، ءوز كەزەگىندە، كۋۆەيت مەملەكەتىن ەرەكشە مەرەكەسىمەن قۇتتىقتاپ، 1997 - جىلى كۋۆەيت مەملەكەتىنە رەسمي ساپارى ۋاقىتىندا قازاقستان مەن كۋۆەيت اراسىنداعى قاتىناستاردى نىعايتۋدا ەلباسىنىڭ ۇلەسىن ەرەكشە اتاپ ءوتىپ، ەكىجاقتى ىنتىماقتاستىقتىڭ نەگىزگى اسپەكتىلەرى تۋرالى ءسوز ەتتى.
قابىلداۋ كەزىندە قوناقتار كۋۆەيتتىك دامنەن، مەرەكەلىك تورتتان ءدام تاتتى، سونداي- اق كۋۆەيت حالقىنىڭ ءداستۇرلى مۋزىكاسىن تىڭدادى.
