ق ر س ءى م جۇيەسىندە «بولاشاق» باعدارلاماسىنىڭ 55 تۇلەگى قىزمەت ەتەدى - ە. ىدىرىسوۆ
ءمينيستردىڭ جازۋىنا قاراعاندا، تاۋەلسىزدىك جىلدارى ق ر س ءى م- ءنىڭ شەت تىلدەرىن ەركىن مەڭگەرگەن، بەلگىلى ءبىر ايماقتار مەن ەلدەردىڭ ەرەكشەلىكتەرىن بىلەتىن، ديپلوماتيالىق قىزمەتتە كوپ جىلعى تاجىريبەلەرى بار ەداۋىر كاسىبي كادرلىق قۇرامى قالىپتاستى.
«ق ر س ءى م- ءنىڭ ورتالىق اپپاراتىندا جانە ءبىزدىڭ شەتەل مەكەمەلەرىمىزدە 85 دوكتور مەن عىلىم كانديداتى، 198 ماگيسترانت، «بولاشاق» باعدارلاماسىنىڭ 55 تۇلەگى قىزمەت ەتەدى، سونىمەن قاتار 376 قىزمەتكەر ەكى جانە ودان دا كوپ جوعارى بىلىمگە يە. س ءى م- ءنىڭ قىزمەتكەرلەرىنىڭ 70 پايىزدان استامى شەتەل تىلدەرىن بىلەدى. ونىڭ ىشىندە سيرەك تىلدەردى مەڭگەرگەندەر دە جەتەرلىك»، - دەيدى مينيستر.
ونىڭ اتاپ وتۋىنشە، س ءى م- ءنىڭ ەڭ باستى كادرلىق مىندەتتەرىنىڭ ءبىرى - ديپلوماتيالىق قىزمەت جۇمىسشىلارىن دايارلاۋ، قايتا دايىندىقتان وتكىزۋ جانە ولاردىڭ بىلىكتىلىگىن ارتتىرۋ جۇيەسىن ۇزدىكسىز جەتىلدىرىپ وتىرۋ.
«ءبىرقاتار شەتەلدەگى مەكەمەلەرىمىزدە كادرلىق ديپلوماتتارمەن عانا ەمەس، ينۆەستيتسيالار جانە دامۋ مينيسترلىگى، ق ر قارجى مينيسترلىگى مەملەكەتتىك كىرىستەر كوميتەتى جانە وزگە دە مينيسترلىكتەردىڭ وكىلدەرىمەن بىرلەسكەن تاجىريبەلىك جۇمىستار جاسالىپ وتىرادى. س ءى م مەن قازاقستاننىڭ وزگە مۇددەلى ورگاندارىنىڭ اراسىنداعى اتالعان ورتاق ءىس- قيمىلدارى ءبىزدىڭ ەلگە شەتەل ينۆەستيتسيالارىنىڭ ارناسىن كەڭەيتۋگە باعىتتالۋدا»، - دەدى ە. ىدىرىسوۆ.
اۆتور: جاسۇلان جولدىبايەۆ
