08:36, 16 - شىلدە 2015 | GMT +6
روسكوسموس رەسەي ۇكىمەتىنەن بايقوڭىردى دامىتۋعا 55 ميلليارد رۋبل سۇراپ وتىر
استانا. قازاقپارات - روسكوسموس 2016-2025-جىلدارعا ارنالعان رەسەي عارىش ايلاقتارىن دامىتۋ ماقساتتىق جاڭا فەدەرالدى باعدارلاماسىن ىسكە اسىرۋ ءۇشىن جەرگىلىكتى ۇكىمەتتەن 900 ميلليارد رۋبل (15,8 ميلليارد دوللار) ءبولۋدى سۇرادى، دەگەن حابار تاراتتى اقپارات اگەنتتىكتەرى ۆەدومستۆوداعى دەرەك كوزگە سىلتەمە جاساپ.
ت ا س س اگەنتتىگىنىڭ دەرەككوزى كەلتىرگەن مالىمەتتەرگە سايكەس، روسكوسموس ايتىلعان كەزەڭدە بايقوڭىر عارىش ايلاعىنىڭ ينفراقۇرىلىمىن دامىتۋ ءۇشىن 55 ميلليارد رۋبل، پلەسەتسك ءۇشىن - 289 ميلليارد رۋبل جانە شىعىس عارىش ايلاعىنىڭ قۇرىلىسى ءۇشىن 566 ميلليارد رۋبل ءبولۋدى سۇراعان.
«ءتيىستى باعدارلاما ازىرلەنۋدە جانە قۇزىرلى مينيسترلىكتەر مەن ۆەدومستۆولاردىڭ كەلىسىمىن الۋى كەرەك»، - دەگەن مالىمەتىمەن ءبولىستى ينتەرفاكس اگەنتتىگىنىڭ دەرەككوزى.
