05:25, 13 - شىلدە 2015 | GMT +5
جىل سوڭىنا دەيىن استانادا 55 جابىق جىلىتىلاتىن ايالداما ورناتىلادى
استانا. قازاقپارات - «استانا LRT» ج ش س حابارلاۋىنشا، ەلوردانىڭ جاڭا ايالداما كەشەندەرى جىلىتىلىپ، قولايلى جاعدايلار جاسالادى. جىل سوڭىنا دەيىن استانادا جابىق، جىلىتىلاتىن، دارەتحانامەن جابدىقتالعان 55 جاڭا ايالداما ورناتىلادى،
دەپ حابارلايدى قالا اكىمدىگىنىڭ رەسمي سايتى.
«استانا LRT» ج ش س باسشىلىعىنىڭ ايتۋىنشا، ولار الەۋمەتتىك ماڭىزى بار نىساندارعا جاقىن ورنالاسادى. باسقا ايالداما كەشەندەرىنە كەلەر بولساق، ولار 100 پايىز مودەرنيزاتسيالانادى.
قىس مەزگىلىندە ايالداما تەمپەراتۋراسىن باقىلاۋ تەتىگى بار ينفراقىزىل جىلىتقىشتار ساقتاپ تۇرادى. بۇدان بولەك، بارلىق ايالدامالار جالپى قالالىق ءبىرىڭعاي تىرشىلىكپەن كەشەندى قامتۋ جۇيەسىنە قوسىلعان بەينەباقىلاۋ كامەرالارىمەن جانە باسقا دا تەتىكتەرمەن جابدىقتالادى. ايالداما كەشەندەرىنىڭ ىشىندەگى اۋا الماسۋ تابيعي جەلدەتۋ جولىمەن ىسكە اسىرىلادى.
جابىق تيپتەگى بارلىق نىساندار دانەكەرلەنگەن بولات قوراپتاردان جاسالادى، دەپ حابارلايدى «استانا LRT» ج ش س.
