16:58, 13 - مامىر 2015 | GMT +5
قازاقستاندا بۇلدىرگى مازمۇنداعى 55 ينتەرنەت- سايت جابىلدى
استانا. قازاقپارات - بيىل قازاقستاندا بۇلدىرگى مازمۇنداعى 55 ينتەرنەت- سايت جابىلدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا مادەنيەتتەر مەن دىندەردىڭ حالىقارالىق ورتالىعىنىڭ ديرەكتورى ەرتاس مۇراتبەكوۆ ءمالىم ەتتى.
«2014 -جىلدىڭ ەكىنشى جارتىجىلدىعىندا مادەنيەتتەر مەن دىندەردىڭ حالىقارالىق ورتالىعى 7 مىڭنان استام ينتەرنەت- رەسۋرستەرگە تالداۋ جاسادى. بۇل سايتتاردىڭ مونيتورينگى ولاردىڭ اراسىنان بۇلدىرگى مازمۇنداعى 170 سايت انىقتالىپ، ونىڭ ناتيجەسى بويىنشا تالداۋ جۇمىستارى اتقارىلىپ، بۇل سايتتار جابىلدى. بۇگىندە ورتالىق وسى جۇمىستاردى جالعاستىرۋدا. بيىل 5 مىڭعا جۋىق ينتەرنەت- رەسۋرستاردىڭ مونيتورينگى ىسكە اسىرىلىپ، بۇلدىرگى باعىتىنداعى 55 سايت انىقتالدى» ، - دەدى ول.
وسى ورايدا ە. مۇراتبەكوۆ قازاقستاندىقتاردى بۇنداي سايتتاردى بايقاعان كەزدە مىندەتتى تۇردە حابارلاۋعا شاقىردى.
«بۇلدىرگى سايتتاردى انىقتاعان ادامدار بولسا، ونى ءبىزدىڭ ورتالىقتىڭ سايتىنداعى قىزمەت ارقىلى حابارلاۋدىڭ مۇمكىندىگى بار» ، - دەدى ول.
اۆتور: رۋسلان عابباسوۆ
