09:31, 04 - مامىر 2015 | GMT +5
ءبىر ايەل 55 رەت تۇرمىسقا شىققان
استانا. قازاقپارات - ماۆريتانيا مەملەكەتىندە 55 رەت تۇرمىسقا شىققان ايەل ادام تۇرادى. ەل حالقىنىڭ باسىم بولىگى كەدەي بولعاندىعىمەن قوسا، بۇل ەل تۇرمىس قۇرماعان ايەلدەردىڭ كوپتىگىمەن ەرەكشەلەنەدى. سوندىقتان بۇل ايەلدى جولى بولعىش دەپ اتاۋعا بولادى.
تەلەديداردا ءسوز سويلەگەن 50 جاستاعى ايەل ءوزىنىڭ ەڭ ۇزاق نەكەسى 15 جىلعا سوزىلعانىن ايتتى. قالعان كۇيەۋلەرىمەن 3 ايدان اسىپ ءبىر شاڭىراق استىندا تۇرا الماعان. ەڭ قىسقاسى 2 كۇن بولعان، دەپ حابارلادى Mignews.
ونىڭ ايتۋىنشا، ول جۇبايلارىمەن سەنىمسىزدىك پەن قىزعانىش سالدارىنان اجىراسىپ كەتىپ وتىرعان، تەك ۇشەۋىمەن عانا ءوزىن باقىتتى سەزىنگەن. وسىعان قاراماستان 55 ەرىنىڭ دە ەسىمدەرى ونىڭ ەسىندە.
