08:00, 13 - قازان 2014 | GMT +5
كوباني ءۇشىن ايقاستا قازا تاپقاندار سانى 553 ادامعا جەتتى
استانا. قازاقپارات - سيريا مەن تۇركيا شەكاراسى اۋماعىندا ورنالاسقان كوباني قالاسىنداعى قاقتىعىستار كەزىندە قازا تاپقاندار سانى 553 ادامعا جەتتى. ولاردىڭ 298 ءى «يسلام مەملەكەتى» لاڭكەستىك ۇيىمىنىڭ سودىرلارى، دەپ جازادى حابار ارناسى.
اقپارات كوزدەرىنىڭ حابارلاۋىنشا، راديكالدار شاھاردىڭ جارتىسىن باسىپ العان. ەكى كۇن بۇرىن ولار كوبانيدىڭ باستى اكىمشىلىك ورتالىعىن الدى. ەگەر سودىرلار بۇل قالانى تولىق جاۋلاپ الاتىن بولسا، الەپپو جانە راككا پروۆينتسيالارىنداعى كۇشتەرىن بىرىكتىرىپ، ەكى ەل شەكاراسىنداعى اۋقىمدى جەردى باقىلاۋعا الماق.
