جيگۋلي دايرابايەۆتىڭ ەكى ۇلى سۋبسيديا رەتىندە العان 550 ميلليون تەڭگەنى ءوز قاجەتىنە جۇمساعان
ەسكە الا كەتەيىك، جامبىل وبلىستىق اۋىل شارۋاشىلىعى باسقارماسى باسشىسىنىڭ وسىمدىك شارۋاشىلىعى ماسەلەلەرى جونىندەگى ورىنباسارى ەرلان قۇلكەيەۆ، كاسىپكەرلەر ەلجان ەلىباي، ديدار مولداقالىق جانە مارات دايرابايەۆ سۋبسيديا قاعيدالارىن بۇزا وتىرىپ، «البيون» قۇلپىناي كوشەتتەرىنە مەملەكەتتەن سۋبسيديا العان.
ونىڭ ءبىر بولىگى الاياقتىق جولمەن ۇرلانىپ، جەكە قاجەتتىلىگىنە جۇمسالعان. مەملەكەتكە 550849430 تەڭگە كولەمىندە زالال كەلدى.
وسىنىڭ ىشىندە ديدار مولداقالىق پەن مارات دايرابايەۆ - ءماجىلىس دەپۋتاتى جيگۋلي دايرابايەۆتىڭ ۇلدارى.
سوتتا ايىپتىلاردىڭ كىناسى تولىق دالەلدەندى.
ءوز كەزەگىندە سوتتالۋشىلار كىناسىن مويىنداماي، اقتاۋدى ءوتىندى.
باسقارما باسشىسىنىڭ ورىنباسارى ەرلان قۇلكەيەۆ 6 جىلعا سوتتالدى، ول ءومىر بويى مەملەكەتتىك قىزمەتتە ەڭبەك ەتە المايدى.
ال ديدار مولداقالىق پەن مارات دايرابايەۆ 5 جىلعا شارتتى تۇردە سوتتالدى.
ۇكىم زاڭدى كۇشىنە ەنگەن جوق.
