فينليانديا تۇرعىندارى جۇمىسپەن قامتىلعانىنا قاراماستان ايىنا 550 ەۋرو الىپ تۇرادى
بۇل تۋرالى ەلدىڭ الەۋمەتتىك قامسىزداندىرۋ جانە دەنساۋلىق ءمينيسترى حاننا ميانتيۋليا مالىمدەدى، دەپ حابارلادى روسبالت. رۋ.
ەكى جىل بويى 10 مىڭ ەڭبەككە قابىلەتتى فينندەر اي سايىن جۇمىسپەن قامتىلۋىنا قاراماستان 550 ەۋرودان الىپ تۇرادى. بۇل سوما جۇمىسسىزدىق جاردەمىنە تەڭ، وعان تاماققا، جەكە گيگيەناعا، كيىمگە جۇمسالاتىن جانە باسقا دا كۇندەلىكتى شىعىستار شىعىنى كىرەدى، دەپ حابارلادى Reuters.
«بىزگە مۇنداي ەكسپەريمەنتتەر قاجەت. ەگەر ءبىز جاعدايدى جەڭىلدەتپەسەك، فينن الەۋمەتتىك قامسىزداندىرۋ جۇيەسى ۇلكەن پروبلەمالارعا تاپ بولادى»، - دەدى ميانتيۋليا.
ەگەر ەكسپەريمەنت ويداعىداي ناتيجە بەرسە، ءسوزسىز كىرىس فينليانديانىڭ الەۋمەتتىك قامسىزداندىرۋ جۇيەسىنە ەنگىزىلەدى. 2015-جىلى جاريالانعان جوباعا سايكەس ءسوزسىز كىرىس الەۋمەتتىك جاردەماقىلاردى اۋىستىرادى.
2016-جىلى ماۋسىمدا شۆەيتساريا دا ءسوزسىز كىرىس ەنگىزۋ جونىندە رەفەرەندۋم وتكىزبەك.
