مادەنيەت جانە سپورت ءمينيسترى بلوگەرلەردى «قازاق حاندىعىنىڭ 550 جىلدىعى» مەرەيتويلىق مەدالدارىمەن ماراپاتتادى
2015 - جىل قازاق حاندىعى قۇرىلۋىنىڭ 550 جىلدىعىن اتاپ وتۋمەن ەرەكشەلەندى. بۇل ايرىقشا مەرەكەنى تويلاۋعا ەلىمىزدىڭ بارلىق ازاماتتارى قاتىسىپ، رەسپۋبليكا بويىنشا 700 دەن استام ءتۇرلى شارالار ۇيىمداستىرىلدى. بۇل شارالاردى تاراتۋمەن وتاندىق جانە شەتەلدىك ب ا ق اينالىستى. مەرەيتويلىق ءىس- شارالاردى ناسيحاتتاۋ جۇمىسىنا الەۋمەتتىك جەلىلەر قولدانۋشىلارى دا بەلسەندى قاتىستى، دەپ حابارلادى مادەنيەت جانە سپورت مينيسترلىگىنىڭ باسپا ءسوز قىزمەتى.
بلوگەرلەرمەن كەزدەسۋ بارىسىندا ارىستانبەك مۇحامەدي ۇلى بۇگىنگى تاڭدا الەۋمەتتىك جەلىلەر بەيرەسمي بۇقارالىق اقپارات قۇرالدارىنىڭ ءرولىن اتقارىپ جاتقاندىعىنا توقتالىپ كەتتى. ولار ءتۇرلى جاڭالىقتاردى حالىقتىڭ كەڭ توپتارىنا قولجەتىمدى ەتىپ، ولاردى قاراپايىم جانە بارلىعىنا تۇسىنىكتى ەتىپ جەتكىزەدى.
«قازاق حاندىعىنىڭ 550 جىلدىعىنا ارنالعان شارالاردى ايشىقتاۋعا قاتىسقان ەلىمىزدىڭ بارلىق بلوگەرلەرىنە شەكسىز العىسىمدى بىلدىرەمىن. جىل بويى بلوگەرلەر جەكە پاراقشالارىنىڭ بەتتەرىنەن بۇكىل الەمگە ۇلتتىق تاريحىمىز، مادەنيەتىمىز بەن داستۇرلەرىمىز تۋرالى بايانداۋ جانە مىڭداعان جازىلۋشىلارىمەن فوتوسۋرەتتەرمەن ءبولىسۋ ارقىلى قوعامدا پاتريوتتىق سەزىمدەر ىمەن ءوز ەلى ءۇشىن ماقتانىش سەزىمىن ۇيالاتۋعا اتسالىستى»، - دەدى مينيسترلىك باسشىسى.
سونىمەن قاتار جاننا يليچيەۆا، ارشات وراز، ارىستانعالي سانسىزبايەۆ جانە سەرىك مامبەتوۆ سەكىلدى قازاقستاندىق بلوگەرلەر ەستەلىك مەرەيتويلىق مەدالدارمەن ماراپاتتالدى.
