قازاق حاندىعىنىڭ 550 جىلدىعى الەمدەگى بار قازاقتى بىرىكتىرەتىن ۇلى مەرەكە - ەركين بولەكبايەۆ
ونىڭ ايتۋىنشا، مۇنداي ۇلى توي قيىردا جۇرگەن قازاقتاردىڭ وتانى جايلى ءبىر ەسكە ءتۇسىرىپ قويۋعا مۇمكىندىك بەرەتىن ۋاقيعا. الىس- جاقىن شەتەلدەردەن 2 مىڭنان اسا ادام قاتىساتىن ءدۇبىرلى توي جۇرەگى «قازاق» دەپ سوعاتىن كەز- كەلگەن ازاماتتىڭ پاتريوتتىق سەزىمىن وياتارى حاق.
«ءبىز، جىراقتا تۇراتىن قازاقتار، ق ر پرەزيدەنتى نۇرسۇلتان نازاربايەۆتىڭ سىرتقى جانە ىشكى ساياساتىن قولدايمىز. ول بارلىق حالىقتاردى، مادەنيەتتەر مەن داستۇرلەردى ءبىر جەرگە ۇيىستىرىپ وتىر. مۇنداي ۇلكەن مەرەكە قازاقستاندى ايداي الەمگە تانىتانىنى ايان»، - دەدى ول.
قازاقتار قاۋىمداستىعىنىڭ ءتوراعاسى تارازدا ءوتىپ جاتقان مەرەكەگە كوڭىلى تولاتىندىعىن جەتكىزدى. كەشە وبلىستىق تەاتردا قازاقتار تۋرالى پەسا ساحنالانعان.
«قازاق حاندىعىنىڭ 550 جىلدىعى شىن مانىندە اۋقىمدى اتالىپ ءوتىپ جاتىر. كۇن سايىن ءتۇرلى سالاداعى ازاماتتارمەن پىكىرلەسىپ جاتىرمىز. تاريحقا ەنەتىن ماڭىزدى وقيعانىڭ ءبىر بولىگى بولعانىمىزعا وتە قۋانىشتىمىز. ماسەلەن، بۇگىن جانىبەك پەن كەرەي حاننىڭ ەسكەرتكىشىن سالتاناتتى تۇردە اشادى. قازاق حاندىعىنىڭ كىندىگى بولعان قاسيەتتى مەكەندە وتكەن مەن بۇگىننىڭ اراسىندا دانەكەر بولىپ جۇرگەنىمىزگە باقىتتىمىز»، - دەدى ە. بولەكبايەۆ.
اۆتور: گۇلميرا عوسمانالي
