ارابتىڭ «ءال ۋاحا» تەلەارناسىنان قازاق حاندىعىنىڭ 550 جىلدىعىنا ارنالعان سالتاناتتى شارالار كورسەتىلەدى

 ءابۋ- دابي. قازاقپارات - قازاقستان رەسپۋبليكاسىنىڭ بىرىككەن اراب امىرلىكتەرىندەگى ەلشىلىگىندە ق ر توتەنشە جانە وكىلەتتى ەلشىسى قايرات لاما ءشارىپتىڭ امىرلىكتەردىڭ «ءال ۋاحا» (اۋدارماسى - وازيس) سپۋتنيكتىك تەلەارناسىنىڭ باس ديرەكتورى ميشال ءال- حاجيريمەن كەزدەسۋى ءوتتى.

 «ءال- ۋاحا» - تاياۋ شىعىستاعى مادەني وقيعالارعا ارنالعان اراب تىلىندەگى تەلەارنا. ونىڭ ايماقتىڭ 22 ەلىندە 370 ميلليون ادامدى قۇرايتىن اۋديتورياسى بار.

اڭگىمەلەسۋ بارىسىندا ق. لاما ءشارىپ اراب قوناعىنا نەگىزگى شارالارى تاراز قالاسىندا وتكىزىلەتىن قازاق حاندىعىنىڭ 550 جىلدىعىنا ارنالعان الداعى مەرەيتويلىق شارالار تۋرالى بايانداپ بەردى. «ءال- ۋاحا» تەلەارناسىنىڭ وكىلى الداعى وقيعالاردىڭ قازاق ەتنوسى مەن اراب مادەنيەتىنىڭ تاريحي بايلانىستارىن ەسكەرگەندە، اۋديتوريا ءۇشىن قىزىقتى بولاتىنىن اتاپ ءوتتى.

وسىعان بايلانىستى، م. ءال- حاجيري تاراز قالاسىنا «ءال- ۋاحانىڭ» ءتۇسىرۋ توبى جىبەرىلەتىنىن حابارلادى. ونىڭ قۇرامىندا ءتىلشى يۋسەف مۇحاممەد پەن وپەراتور حابيب رامەشگار بولادى. تىلشىلەردىڭ وقيعا ورىندارىنان «تىكەلەي قوسىلۋلارى» جوسپارلانىپ وتىر.