بۇگىن قازاق حاندىعىنىڭ 550 جىلدىعىنا وراي «تاريح پەن ءتىل تامىرلاس» اتتى جاس اقىندار ءمۇشايراسى وتەدى
ءمۇشايرانىڭ ەرەجەسى الدىن-الا جولدانىپ، گازەتتەر مەن الەۋمەتتىك جەلىلەردە جاريالانعان بولاتىن. جالپى. 50 دەن استام ۇمىتكەردەن سۇرانىستار مەن ولەڭدەر ءتۇستى. قازىلار القاسىنىڭ ىرىكتەۋىنەن 10 اقىن قورىتىندى كەزەڭگە جولداما الدى. ءمۇشايراعا استانا، الماتى، سەمەي، قاراعاندى، تاراز، پاۆلودار، وسكەمەن جانە ت. ب. قالالاردان جاس اقىندار قاتىستى.
جاس اقىندار ءمۇشايراسىنىڭ جەڭىمپازدارى استانا قالاسىنىڭ اكىمى ءا. جاقسىبەكوۆتىڭ اتىنان ديپلومدارمەن جانە ارنايى باعالى سىيلىقتامەن ماراپاتتالادى. ۇزدىك دەپ تانىلعان وسى 10 اقىننىڭ شىعارمالارى ارنايى جيناق كىتابىنا ەنگىزىلەدى.
جىر دوداسىنا «قازاقستان» ر ت ر ك ءتوراعاسىنىڭ شىعارماشىلىق جونىندەگى ورىنباسارى قاينار ولجاي، اقىن جانات ايمۇحامبەتوۆا، داۋلەتكەرەي كاپ ۇلى، الماس تەمىرباي جانە جاس اقىن اجار ەربولعان تورەلىك ەتەدى. جىر كەشىن تانىمال اقىن قالقامان سارين جۇرگىزەدى.
ءمۇشايرا بارىسىندا ماراپاتتاۋ سالتاناتىمەن قاتار، بەلگىلى انشىلەر كلارا تولەنبايەۆا، يبراگيم ەسكەندىر ت. ب. ونەر كورسەتەدى. سونىمەن قاتار، شارا باسىندا ءبىرقاتار ەل زيالىلارى قازاق حاندىعىنىڭ 550 جىلدىعىنا ارنالعان مەرەيتويلىق مەدالمەن ماراپاتتالادى.
قازاق حاندىعىنىڭ 550 جىلدىعىنا ارنالعان تاعىلىمدى ءىس-شارا ق ر پارلامەنتى سەناتى مەن ءماجىلىسىنىڭ دەپۋتاتتارى، قالا باسشىلىعى، بەلگىلى اقىن-جازۋشىلار، جاس اقىندار، بەلسەندى جاستار مەن ستۋدەنتتەر جانە ب ا ق وكىلدەرىنىڭ قاتىسۋىمەن وتەدى.
