قازاق حاندىعىنا 550 جىل: باتىس قازاقستاندا مۇمكىندىگى شەكتەۋلى جاندار اتقا قوندى - فوتو
مەرەيلى شاراعا تىرەك قوزعالىسىنىڭ قىزمەتى بۇزىلعان مۇگەدەك جانداردىڭ باسىن بىرىكتىرەتىن اتالمىش بىرلەستىكتىڭ 18 مۇشەسى قاتىستى. دەنساۋلىقتارىنىڭ كەمدىگىنە قاراماستان، ولاردىڭ قازاق ەلى دوستىعىنىڭ كورىنىسىندەي ءتۇرلى ۇلتتىڭ كيىمدەرىن كيىپ، كەزەكتەسىپ اتقا وتىرۋى ومىرگە دەگەن ەرەكشە قۇلشىنىستارىن تاعى ءبىر تانىتقانداي. شاراعا اتتاردى وبلىستىق ۇلتتىق سپورت تۇرلەرى جونىندەگى سپورت مەكتەبى ءبولدى. جايىقتىڭ جاعاسىمەن قوزعالعان سالت اتتىلىلار شەرۋىن ۇلكەن شاعان اۋىلى تۇسىنان زەلەنوۆ اۋدانى جۇرتشىلىعى قارسى الدى.
اۋدان اكىمىنىڭ ورىنباسارى اسىلۇلان دوسجانوۆ قازاق حاندىعىنىڭ 550 جىلدىعىنا ارنالعان شارالاردىڭ وسىلايشا ءساتتى جالعاسىپ جاتقانىنا توقتالسا، «اربا» قوعامدىق بىرلەستىگىنىڭ ءتورايىمى گۇلميرا باتپاقۇلوۆا باستامالارىنا قولداۋ كورسەتكەندەردىڭ بارلىعىنا ريزاشىلىعىن ءبىلدىردى. «ق ح ا جىلى اياسىندا «ماڭگىلىك ەلگە» جەتۋ جولىنداعى شارالارعا بىزدەر دە بەلسەنە قاتىسۋدامىز. ەڭ باستىسى، ەلىمىزدە بىرلىك بولسىن، سان ۇلت وكىلدەرىنىڭ دوستىعى نىعايا بەرسىن»، دەدى ول.
ەسكە سالا كەتەيىك، قازاق حاندىعىنىڭ 550 جىلدىعىنا ارنالعان رەسپۋبليكالىق شارا بيىلعى تامىزدا بوكەي ورداسى اۋدانى حان ورداسى اۋىلىندا وتكەن بولاتىن.
