اقمولا وبلىسىندا قازاق حاندىعىنىڭ 550 جىلدىعىنا وراي ۇلتتىق ات سپورتى تۇرلەرى بويىنشا جارىس ءوتتى - فوتو
بۇل تۋرالى اۋدان اكىمىنىڭ باسپا ءسوز قىزمەتىنەن حابارلادى.
قازاق حاندىعىنىڭ 550 جىلدىعىنا ارنالعان جارىستىڭ اشىلۋ سالتاناتىنا اۋدان اكىمىنىڭ ورىنباسارى ەرلان مۇحامەدين قاتىسىپ، جينالعان جۇرتتى قۇتتىقتادى.
«بۇگىنگى كۇنى ءبىزدىڭ اۋدانىمىزدا ات سپورتى تۇرلەرى بويىنشا جارىس وتكىزىلۋدە. قازاق حاندىعىنىڭ 550 جىلدىعىنا ارنالعان وسىنداي شارانىڭ شورتاندى جەرىندە ۇيىمداستىرىلۋى - ءبىز ءۇشىن ۇلكەن قۋانىش. جارىسقا اقمولا وبلىسىمەن قاتار، استانا قالاسى، قوستاناي جانە سولتۇستىك قازاقستان وبلىستارىنان سپورتشىلار كەلىپ وتىر. جەڭىمپازدارعا ازىرلەگەن باعالى سىيلىقتارىمىز بار. بارشاڭىزدى وسىناۋ مەرەكەمەن قۇتتىقتاپ، ساتتىلىك تىلەيمىن»، - دەدى اۋدان اكىمىنىڭ ورىنباسارى.
ەسكە سالا كەتسەك، شورتاندى اۋدانىندا وسىمەن 5 جىل قاتارىنان ات سپورتى تۇرلەرى بويىنشا جارىس وتۋدە. سالاۋاتتى ءومىر سالتىن قالىپتاستىرۋ جانە ۇلتتىق سپورت تۇرلەرىن ناسيحاتتاۋ ماقساتىندا ۇيىمداستىرىلىپ وتىرعان بۇل جولعى جارىس بارىسىندا كورەرمەندەر الامان بايگە، توق بايگە، جورعا، قىز قۋۋ، اۋدارىسپاق جانە كوكپار ءتارىزدى ۇلتتىق ات سپورت تۇرلەرىن تاماشالادى.
جارىس قورىتىندىسىنا ساي 7 شاقىرىمدىق جورعا جارىسىندا 1-ورىنعا ەۆگەني چيبيسوۆ لايىق دەپ تانىلسا، 2- جانە 3- ورىنداردى ۆيكتور پاتريكەيەۆ پەن نيكولاي بابيچيەۆ ءوزارا ءبولىستى.
ال توق بايگە جارىسىندا بەرىك قابىلبەكوۆ جەڭىمپاز اتانسا، جەلىس (رىساك) ءتۇرى بويىنشا انتون چيبيسوۆتىڭ باعى جاندى.
وسى ورايدا ات سپورتىن دامىتۋعا ۇلەس قوسىپ وتىرعان جەرگىلىكتى «نيۆا» سەرىكتەستىگىنىڭ ديرەكتورى ۆلاديمير ابەرميت، رۋسلان گازديەۆ، جەكە كاسىپكەر ءىلياس سمايلوۆ جانە ق ر ات سپورتى فەدەراتسياسىنىڭ ديرەكتورى، جازۋشى سادىبەك تۇگەلدىڭ ەڭبەگىن اتاپ وتكەن ءجون. 2010-جىلى سادىبەك تۇگەلدىڭ ۇيىتقى بولۋىمەن شورتاندى جەرىندە اقان سەرىنىڭ ايگىلى قۇلاگەرىنە ەسكەرتكىش ورناتىلعان بولاتىن.
