وڭتۇستىكتە قازاق حاندىعىنىڭ 550 جىلدىعىنا وراي دەرەكتى فيلم ءتۇسىرىلىپ جاتىر
بۇل تۋرالى بۇگىن «وڭتۇستىك» اقپارات ورتالىعىندا وتكەن بريفينگتە وبلىستىق ىشكى ساياسات جانە ءدىن ىستەرى باسقارماسىنىڭ باسشىسى بەرىك قۇرمانعالي ءمالىم ەتتى، دەپ حابارلايدى Bnews.kz ءتىلشىسى.
«وڭتۇستىك قازاقستان وبلىستىق ىشكى ىستەر جانە ءدىن ىستەرى باسقارماسى بيىلعى جىلعى مەرەكەلىك داتالاردىڭ بارلىعىن قامتىپ وتىر. ماسەلەن، ۇلى جەڭىستىڭ 70 جىلدىعىنا وراي «مايدانگەرلەر» اتتى قىسقامەتراجدى فيلمنىڭ تۇساۋى كەسىلدى. بۇگىن حالىقارالىق بالالار كۇنىنە وراي «ءبىز سوققان دوستىق ءۇيى» اتتى انيماتسيالىق مۋلتفيلمنىڭ تۇساۋىن كەسىپ وتىرمىز. الدا قازاق حاندىعىنىڭ 550 جىلدىعى كەلە جاتىر. وعان دا ارنايى كوپ سەريالدى دەرەكتى، قۇندى فيلمدەر ءتۇسىرۋدى جوسپارلاپ وتىرمىز»، - دەيدى باسقارما باسشىسى.
بەرىك قۇرمانعاليدىڭ ايتۋىنشا، قازاق حاندىعىنىڭ 550 جىلدىعىنا وراي تۇسىرىلەتىن كوپ سەريالدى دەرەكتى فيلمدى ءتۇسىرۋ جۇمىستارى باستالىپ كەتكەن.
ديلارا رىسداۋلەت
