ب. ساپاربايەۆ تۇركىستانداعى قازاق حاندىعىنىڭ 550 جىلدىعىنا ارنالعان حالىقارالىق كونفەرەنسيا جۇمىسىنا قاتىستى
ۆيتسە-پرەمەر تۇركىستاننىڭ الەۋمەتتىك سالاسىنىڭ دامۋىمەن تانىسىپ، قالالىق اۋرۋحانانى، مەكتەپ-گيمنازيانى، م ج س جاعدايىندا سالىنعان تۇركى تىلدەس حالىقتاردىڭ جەكە كىتاپحاناسى مەن بالاباقشانى ارالادى.
پرەمەر-ءمينيستردىڭ ورىنباسارى سونداي-اق قازىرگى تاڭدا ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە ءوتىپ جاتقان «قازاق مەملەكەتتىلىگى تاريحىنداعى قازاق حاندىعىنىڭ ءرولى مەن ماڭىزى» اتتى عىلىمي-تەوريالىق كونفەرەنسيا جۇمىسىنا قاتىستى.
ب. ساپاربايەۆ ەلىمىزدىڭ پرەزيدەنتى ن. نازاربايەۆتىڭ كونفەرەنسيا قاتىسۋشىلارىنا جولداعان قۇتتىقتاۋ ءسوزىن وقىپ بەردى.
«مەملەكەت تاريحىنداعى ايتۋلى كەزەڭ - قازاق حاندىعىنىڭ 550 جىلدىعى وتانىمىزدىڭ تۇكپىر-تۇكپىرىندە اتاپ وتىلەدى. قازاق حاندىعىنىڭ قالىپتاسۋىنا ارنالعان عىلىمي ءىس-شارالار مەملەكەت شەكاراسىنان اسىپ، شەتەلدەردە دە وتكىزىلۋدە»، - دەپ جازىلعان قۇتتىقتاۋ سوزدە.
«سوڭعى بىرنەشە جىلدا رەسپۋبليكادا «تاريح اعىنىنداعى حالىق» مەملەكەتتىك باعدارلاماسىنىڭ ارقاسىندا قازاق حاندىعىن جان-جاقتى زەرتتەۋ بويىنشا جۇمىس جۇرگىزىلدى. ونىڭ ىشىندە قازاق حاندىعىنىڭ قۇرىلۋىنان باستاۋ الىپ، «ماڭگىلىك ەل» يدەياسىنىڭ نەگىزى بولعان مەملەكەتتىلىك يدەيالار زەرتتەلدى. وسىنىڭ ءبارى قازىرگى جانە بولاشاق ۇرپاقتىڭ جۇرەكتەرىندە قازاقستاندىق پاتريوتتىقتىڭ، وتانعا دەگەن سۇيىسپەنشىلىكتىڭ پايدا بولۋىنا دالەل بولىپ تابىلادى.
بۇگىنگى تاڭدا تۇركىستان ۇلتىمىزدىڭ ماقتانىشىنا، اتا-بابالارىمىزدىڭ رۋحىنىڭ قاسيەتتى مەكەنىنە اينالدى. وعان قوسا، بۇل ەجەلگى قالا بارلىق زاماناۋي تۇركى الەمىنىڭ حالىقارالىق عىلىمي ورتالىعى، اتاپ ايتقاندا، قازاق حالقىنىڭ تاريحىن، ونىڭ سالت-ءداستۇرىن زەرتتەيتىن عىلىمي ورتالىق سانالادى»، - دەلىنگەن قۇتتىقتاۋ سوزدە.
كونفەرەنسيا قاتىسۋشىلارىنا قاراتا سويلەگەن سوزىندە ب. ساپاربايەۆ ەلباسىنىڭ ساياساتىنىڭ ارقاسىندا «قازاقستان ەركىن جانە ەگەمەندى مەملەكەتكە، الەمدىك قاۋىمداستىقتىڭ تولىققاندى مۇشەسىنە اينالعانىن» باسا ايتتى.
«وسى تۇرعىدا قازاق حاندىعىنىڭ 550 جىلدىعىن مەرەكەلەۋ، ەلباسى ايتقانداي، بۇل تاريحي ساباقتاستىقتىڭ، ءبىر شاڭىراقتىڭ استىندا كەلىسىم مەن بەيبىتشىلىكتە تۇرىپ جاتقان بارلىق قازاقستاندىقتاردىڭ بىرلىگىنىڭ كورىنىسى»، - دەپ اتاپ ءوتتى ۆيتسە-پرەمەر.
كونفەرەنسياعا تۇركيا، يران، ءازىربايجان، كورەيا، رەسەي، وزبەكستان، قىرعىزستان جانە قازاقستاننىڭ عىلىمي قوعامداستىعىنىڭ 600 دەن استام وكىلى قاتىستى.
