قازاق حاندىعىنىڭ 550 جىلدىعىنا وراي رەسپۋبليكالىق اقىندار ايتىسى وتەدى
ايتىستى اقىن سەرىك قاليەۆ جۇرگىزەدى، دەپ حابارلايدى BNews.kz.
ءادىلقازىلار القاسىنا تانىمال اقىن ءجۇرسىن ەرمان، فيلول. ع. د. پروفەسسور باۋىرجان جاقىپ تەڭ ءتوراعالىق ەتەدى. ءادىلقازىلار القاسىنىڭ قۇرامىندا جۋرناليستيكا فاكۋلتەتىنىڭ دەكانى ساعاتبەك مەدەۋبەك ۇلى، ف. ع. ك. دوتسەنت سامال دارىبايەۆ، ايتىسكەر اقىن ءابدىعاني ءبازىلحان، ايتىسكەر اقىن قايرات قۇلمۇحامەت، «قامشى» اقپاراتتىق سايتىنىڭ باس ديرەكتورى قۋانىش ءبىلال بار.
ۇيىمداستىرۋشىلاردىڭ حابارلاۋىنشا، ايتىسقا رەسپۋبليكالىق جوعارى وقۋ ورىندارىنىڭ ستۋدەنتتەرى قاتىسىپ، باق سىناسادى.
ايتىستىڭ ماقساتى - تاريحي ۇلى تۇلعالاردىڭ ەرلىكتەرىن ناسيحاتتاي وتىرىپ، وتانشىلدىققا، بىرلىككە، ىنتىماققا تاربيەلەۋ. جاس اقىنداردى ىنتالاندىرۋ.
ايتىسقا اقىن ءابدىعاني ءبازىلحان، جەكە كاسىپكەر بەكتۇرعان زەينەل ۇلى دەمەۋشىلىك ەتەدى.
باس جۇلدەگە قوماقتى قارجى تىگىلەدى. ايتىس ءال-فارابي اتىنداعى قاز ۇ ۋ حيميا فاكۋلتەتى مالاحيت زالىندا ساعات 14.00 دە باستالادى. كەلەم دەۋشىلەرگە ەسىك اشىق.
