14:15, 07 - ءساۋىر 2015 | GMT +5
وسكەمەندە قازاق حاندىعىنىڭ 550 جىلدىعىنا وراي ەسكەرتكىش ورناتىلماق
استانا. قازاقپارات - جۋىردا وبلىس ورتالىعىندا قازاق حاندىعىنىڭ 550 جىلدىعىنا وراي ەسكەرتكىش ورناتىلماق. ءمۇسىننىڭ قانداي بولاتىنى ازىرشە بەلگىسىز.
بۇعان دەيىن بايقاۋعا قاتىسۋعا وتىنىشتەر جەرگىلىكتى شەبەرلەردەن قابىلدانعان ەدى، دەپ حابارلايدى BNews.kz ءتىلشىسى.
ەسكەرتكىش وبلىس باسشىلىعىنىڭ باستاماسىمەن ورناتىلماق. ول ۋشانوۆ الاڭىندا نەمەسە امفيتەاتر اۋدانىندا قويىلۋى مۇمكىن.
مالىمەتكە سايكەس، بايقاۋ اياقتالدى. ونىڭ قورىتىندىسى بويىنشا مەملەكەتتىك كوميسسيا قارايتىن بىرنەشە ۇمىتكەر ىرىكتەلەدى.
رەسپۋبليكالىق كوميسسيا قورىتىندىسى مامىر ايىنىڭ سوڭىندا جاريالانادى. ەسكەرتكىشتى سالۋعا قارجىنىڭ جەرگىلىكتى بيۋجەتتەن بولىنەتىنى بەلگىلى.
