استاناعا 550 توننا ءونىم كەلە جاتىر

قوستاناي. قازاقپارات - بۇگىن قوستاناي وبلىسىنان استاناعا 550 توننا ءونىم تيەلگەن اۆتوكولوننا شىقتى. وندا ۇن، كوكونىستەر، وسىمدىك مايىنىڭ ءتۇر-ءتۇرى، ەت جانە كونديتەرلىك ونىمدەر بار.

ەلۋدەن استام قوستانايلىق اۋىل شارۋاشىلىق تاۋارىن وندىرۋشىلەر ەلوردالىق جارمەڭكەدە ءوز ونىمدەرىن ارزانداتىلعان باعامەن ساتادى.

وبلىستىق اۋىل شارۋاشىلىعى باسقارماسىنان حابارلاعانداي، قوستاناي وبلىسىنان استاناداعى كۇزگى جارمەڭكەگە ءتورتىنشى جىل قاتارىنان ازىق-تۇلىك اۆتوكولونناسى جونەلتىلۋدە. «بۇل جولى ءونىم سالماعى 400 دەن 550 تونناعا دەيىن ارتتى. بۇل ەلوردالىق تۇرعىنداردىڭ قوستانايلىق ونىمدەرگە دەگەن سۇرانىسىنىڭ ارتۋىنا بايلانىستى»، - دەپ اتاپ ءوتتى قوستاناي وبلىسى اكىمىنىڭ ورىنباسارى بازىل جاقىپوۆ.