تارازدا قازاق حاندىعىنىڭ 550 جىلدىعىن مەرەكەلەۋ كۇندەرى ءتارتىپتى 700 دەن استام اسكەري قىزمەتكەر قامتاماسىز ەتەدى

تاراز. قازاقپارات - قازاق حاندىعىنىڭ 550 جىلدىعىن مەرەكەلەۋ بيىل ەلىمىزدىڭ بارلىق ايماقتارىندا ءوتىپ جاتىر.

ەڭ ايتۋلى شارالار جامبىل وبلىسىندا، سونداي-اق تاراز قالاسىندا 2015-جىلدىڭ 8-10- قازان كۇندەرى ارالىعىندا وتكىزىلەدى.

ق ر ۇلتتىق گۆاردياسى باسپا ءسوز قىزمەتىنىڭ حابارلاۋىنشا، تاريحي داتانى مەرەكەلەۋدى ۇيىمداستىرۋ كەزىندە قاۋىپسىزدىكتى قامتاماسىز ەتۋگە قازاقستان رەسپۋبليكاسى ۇلتتىق گۆاردياسىنىڭ پودپولكوۆنيك ب. ج. ناربايەۆ باسقارعان 5513 اسكەري ءبولىمىنىڭ 700 اسكەري قىزمەتكەردەن تۇراتىن جەكە قۇرامى قاتىسادى.

وسىنداي اۋقىمدى وقيعاعا دايىندىق قىزۋ ءجۇرىپ جاتىر. جەكە قۇرام ورنالاستىرىلىپ، كۇشتەر مەن قۇرالدار ەسەپتەلدى.

جاپپاي شارالاردى ۇيىمداستىرۋداعى دايىندىق كەزىندە 5513 اسكەري بولىمىنە تاجىريبەلىك كومەك كورسەتۋ ماقساتىمەن قازاقستان رەسپۋبليكاسى ۇلتتىق گۆاردياسى «وڭتۇستىك» ايماقتىق كوماندوۆانيەسىنىڭ شتاب باستىعى، مايور ا. د. قاسكەلەڭوۆ كەلدى.