كەلەر جىلى «قازاقستان حالقىنا قورىنىڭ» دونورلارىنان 55-60 ميلليارد تەڭگە سۇرايمىز - بولات جامىشيەۆ

استانا. قازاقپارات - «قازاقستان حالقىنا» قورىنىڭ ءتوراعاسى بولات جامىشيەۆ ب ا ق وكىلدەرىمەن وتكەن باسپا ءسوز كونفەرەنتسياسىندا كەلەر جىلى قورعا اقشا اۋداراتىن دەمەۋشىلەردەن قانشا قارجى سۇرايتىندارىن ايتتى، دەپ حابارلايدى قازاقپارات ءتىلشىسى.

«قازىر بىزدە 155 ميلليارد تەڭگە بار. تاعى «سامۇرىق- قازىنا» قورىنان 66 ميلليارد تەڭگە، «ءساتتى جۇلدىز» اكسيونەرلىك قوعامىنان 3 ميلليارد تەڭگە تۇسەدى (مىندەتتى اۋدارىم ەسەبىنەن - رەد. ) . سوندا جىل اياعىندا ءبىزدىڭ قورعا تۇسكەن اقشانىڭ كولەمى 224 ميلليارد تەڭگە بولادى.

جوسپارلانعان جوبالاردىڭ ءبارى ەڭ كوپ دەگەندە 170 ميلليارد تەڭگەگە تارتادى. سوندا 54 ميلليارد تەڭگە ارتىق قالادى. ونىڭ ۇستىنە كەلەسى جىلى ءبىزدىڭ ەسەبىمىز بويىنشا «سامۇرىقتان» كەمىندە 50, ايتپەسە 60 ميلليارد تەڭگە تاعى تۇسەدى. ەكەۋىن قوسساق 114 ميلليارد تەڭگە. ءبىر جىلعا كەرەك سوما 170 ميلليارد تەڭگە دەۋگە بولادى. سوندا 45-50 ميلليارد تەڭگە شاماسىندا جەتپەيدى»، - دەدى ول.

سونداي- اق، ول بيىل دونورلاردان قورعا 22 ميلليارد تەڭگە اۋدارىلعانىن ەسكە سالدى.

«وسى جەتپەي تۇرعان 50 ميلليارد تەڭگە تۋرالى بيىل ءبىز دونورلارمەن سويلەسەمىز. «ءبىزدىڭ جوسپارىمىز وسىنداي، مىنانشا اقشانى پايدالاندىق. مىنانشا اقشا ارتىق قالدى، ەندىگى جىلعا جەتپەيتىنى 50-60 ميلليارد تەڭگە» ، - دەپ ايتامىز. وسىلايشا اقىلداسىپ، كەلىسەمىز. ولاردىڭ قالاي جاۋاپ بەرەتىنىن بىلمەيمىن. ءبىراق، مەنىڭشە، قولداۋى كەرەك. بىلتىر 130 ميلليارد تەڭگە، بيىل تاعى 22 ميلليارد تەڭگە بەردى. ەندىگى جىلى 55-60 ميلليارد تەڭگە اۋدارۋعا كەلىسەتىن شىعار دەپ ويلايمىز»، - دەدى بولات جامىشوۆ.