اباي وبلىسىنىڭ تۇرعىنى 54 جىلقى ۇرلاعان
ۇلان اۋدانى پوليتسيا ءبولىمىنىڭ كەزەكشى بولىمىنە شارۋا قوجالىعى يەسىنىڭ تۋىسى 54 باس ءىرى قارا مال ۇرلانعانى تۋرالى وتىنىشپەن جۇگىندى. ول ساعات 23:00 دەن تاڭەرتەڭگى 6:00 گە دەيىن اۋداننىڭ ءبىر اۋىلىنىڭ ەركىن جايىلىمىنان بەلگىسىز ادام تاڭبالانعان ءبىر تابىن جىلقىسىن الىپ كەتكەنىن حابارلادى. سونىمەن قاتار ءوتىنىش بەرۋشى بيەلەردىڭ ءبىرىنىڭ موينىندا JPS ترەكەرى بار ەكەنىن ايتتى، ول قۇرىلعى ارقىلى جابىرلەنۋشى جانۋاردىڭ قاي جەردە ەكەنىن تەكسەرگەن، ءبىراق قۇرىلعى اجىراتىلعان كۇيدە بولعان.
كەلتىرىلگەن زالال 43 ميلليون تەڭگەدەن اسادى. سيگنال العاننان كەيىن ءتارتىپ ساقشىلارى دەرەۋ ىزدەۋگە كىرىسىپ، اۋماقتى تەكسەرۋ ءۇشىن تىكۇشاق پەن درون دا جۇمىلدىرىلعان. جەدەل-تەرگەۋ شارالارىنىڭ ناتيجەسىندە GPS ترەكەرى بار بيەنىڭ باسىنان اتىپ ولتىرىلگەنى انىقتالدى.
جەدەل-ىزدەستىرۋ ءىس-شارالارىن جۇرگىزۋ بارىسىندا ءتارتىپ ساقشىلارى كۇدىكتىنى ۇستادى. ول اباي وبلىسىنىڭ بۇرىن سوتتالعان 46 جاستاعى تۇرعىنى ەكەنى انىقتالدى. كۇدىكتى تۇراتىن ءۇيدى تەكسەرۋ جانە ءتىنتۋ جۇرگىزۋ كەزىندە قۇقىق قورعاۋ ورگاندارى مال قوراسىنان زاتتاي دالەلدەمەلەردى تاركىلەدى.
اتالعان فاكتى بويىنشا ش ق و پ د ق ر ق ك-نىڭ 188-1-بابى 4-بولىگى (مال ۇرلاۋ) بويىنشا سوتقا دەيىنگى تەرگەۋ باستادى. قازىرگى ۋاقىتتا سوت ساراپتامالارى تاعايىندالدى، تەرگەۋ ءىس-شارالارى جۇرگىزىلىپ جاتىر.
