12:40, 11 - اقپان 2023 | GMT +6
ەكى ازاماتتىعى بار 54 ادام قازاقستان اۋماعىنا كىرمەك بولدى – ۇ ق ك
استانا. قازاقپارات - وتكەن قاڭتار ايىندا ۇلتتىق قاۋىپسىزدىك كوميتەتىنىڭ شەكارا قىزمەتى وتكىزۋ پۋنكتەرىندە ەكى ازاماتتىعى بار ادامداردىڭ شەكارادان ءوتۋىنىڭ 54 فاكتىسىن انىقتادى، دەپ حابارلايدى قازاقپارات.
ق ر ۇ ق ك مالىمەتىنشە، مۇنداي زاڭبۇزۋشىلىققا نەگىزگىنەن رەسەي، تۇرىك جانە قىتاي ەلدەرىنىڭ ازاماتتارى بارعان.
«ۇستالعان ادامدار ودان ءارى تەكسەرۋ جۇرگىزۋ ءۇشىن پوليتسيا ورگاندارىنا بەرىلدى.
شەكارا قىزمەتى حالىقارالىق بايلانىس ارنالارىندا ەكى ازاماتتىعى بار ادامداردى انىقتاۋ بويىنشا كۇشەيتىلگەن جۇمىستى جالعاستىرادى»، - دەلىنگەن ۆەدومستۆو حابارلاماسىندا.