جولاۋشى اۋەجايدان 54 قولتىراۋىن ءتولىن زاڭسىز الىپ وتپەك بولعان
كەدەنشىلەر جولاۋشىنىڭ جولجۇگىنەن 54 قولتىراۋىننىڭ بالاسىن تاۋىپ الدى.
ول باۋىرىمەن جورعالاۋشىلاردى جەمىستەر مەن كوكونىستەردىڭ اراسىنا بىرنەشە پلاستيك ىدىستارعا تىعىپ قويعان.
جۇكتى سكانەرىن قيىنداتۋ ءۇشىن كونتەينەرلەردى جۇقالتىرعا (فولگاعا - رەد. ) وراعان.
قازىرگى ۋاقىتتا بۇل فاكتى بويىنشا تەرگەۋ امالدارى ءجۇرىپ جاتىر.
وزبەكستاندا زاڭ دەڭگەيىندە جابايى جانە ۋلى جانۋارلاردى ۇيدە ۇستاۋعا تىيىم سالۋدى جوسپارلاپ وتىر.
29-تامىزدا وزبەكستان ەكولوگيالىق پارتياسىنىڭ دەپۋتاتتارى «جانۋارلار دۇنيەسىن قورعاۋ جانە پايدالانۋ تۋرالى» زاڭعا ءتيىستى وزگەرىستەر ەنگىزۋ تۋرالى باستاما كوتەردى.
پارلامەنتشىلەر سوڭعى ۋاقىتتا قوعامدىق ورىندا، توي-مەرەكەلەردە، مەرەيتويلاردا جانە باسقا دا وتباسىلىق ءىس- شارالاردا جىرتقىش جانە ۋلى جابايى جانۋارلاردى سەرۋەندەتۋ فاكتىلەرى جيىلەپ كەتكەنىن ايتتى.
بۇل جاعداي اينالاداعى ازاماتتاردىڭ ءومىرى مەن دەنساۋلىعىنا ۇلكەن قاۋىپ توندىرەدى.
اۆتور اياۋلىم التىنبەك
