اقتوبەدە 54 سوتتالعان جازا وتەۋ ءتارتىبىن بۇزدى
اقتوبە وبلىسى بويىنشا ق ا ج دەپارتامەنتىنە قاراستى 15 اۋداندىق پروباتسيا قىزمەتىنىڭ ماماندارى جازاسىن شارتتى تۇردە ءوتىپ جۇرگەن ادامداردىڭ تۇرعىلىقتى مەكەنجايىنا باردى. ولاردىڭ اراسىندا ءبىر جىل ىشىندە جازا وتەۋ شارتتارىن 2 نەمەسە ودان دا كوپ بۇزۋعا جول بەرگەن 30 سوتتالعان انىقتالدى. ولاردىڭ وتەلمەگەن مەرزىمىن باس بوستاندىعىنان ايىرۋ جازاسىنا اۋىستىرۋ جونىندە سوتقا ۇسىنىس ەنگىزىلدى. ال تۇرعىلىقتى مەكەنىن وزگەرتكەن مارتوك اۋدانىنىڭ تۇرعىنىن باقىلاۋ تاعى 6-ايعا ۇزارتىلۋى مۇمكىن.
«اقتوبە وبلىسى اۋماعىنداعى 15 اۋداندىق پروباتسيا قىزمەتى بولىمدەرىندە پروباتسيا قىزمەتى جانە جەرگىلىكتى پروباتسيا قىزمەتتەرىنىڭ ۋچاسكەلىك پوليتسيا ينسپەكتورلارى، سونداي-اق، كريمينالدىق پوليتسيا ينسپەكتورلارىمەن بىرلەسىپ قۇرىلعان موبيلدىك توپتار ءوزارا ءىس- قيمىلدىڭ جاقسى ناتيجەسىن كورسەتتى. ءبىر ايتا كەتەتىن جايت، ەسەپتە تۇرعان سوتتالعاندار اراسىندا قايتا قىلمىس جاساۋ دەرەگى تىركەلگەن جوق»، - دەيدى اقتوبە وبلىسى بويىنشا ق ا ج دەپارتامەنتىنىڭ پروباتسيا قىزمەتىنە باسشىلىق ەتۋ ءبولىمىنىڭ باستىعى ازامات ناۋكەنوۆ.
اۆتور: التىناي ساعىندىقوۆا
