قىتايدىڭ 54 قالاسىندا اۋانىڭ لاستاناتىنى ەسكەرتىلدى
بەيجىڭ. قازاقپارات - قىتايدىڭ كەم دەگەندە 54 قالاسىندا، سونىڭ ىشىندە «بەيجىڭ- تيانجين- حەبەي» ءىرى اگلومەراتسياسىندا اۋانىڭ لاستانۋ دەڭگەيى جوعارى بولاتىنى ەسكەرتىلدى، دەپ حابارلايدى قازاقپارات جەرگىلىكتى ب ا ق- قا سىلتەمە جاساپ.
54 قالانىڭ 47 ەلدى مەكەنىندە اۋانىڭ لاستانۋىنىڭ «قىزعىلت سارى» دەڭگەيى، ال تاعى جەتەۋىندە - «سارى» دەڭگەيى جاريالانعان.
ەل ورتالىعىنداعى بەيجىڭ جانە تيانجين قالالارىنان باسقا، حەبەي، حەنان، شانسي، شەنسي جانە شاندۋن پروۆينتسيالارىندا قالىڭ ءتۇتىن باسادى.
قىتايدىڭ اتالعان ايماقتارىندا لاستاۋشى زاتتاردىڭ جينالۋىنا اكەلەتىن قولايسىز مەتەوجاعداي 18- قاراشاعا دەيىن ساقتالادى. بەيجىڭ قالاسىنىڭ ەكولوگيا جانە قورشاعان ورتا باسقارماسىنىڭ حابارلاۋىنشا، اعىمداعى كۇزگى-قىسقى كەزەڭدە ەنەرگەتيكا، ونەركاسىپ، كولىك ينفراقۇرىلىمىن وڭتايلاندىرۋ جانە ت. ب سالالاردا اۋانىڭ لاستانۋىنا قارسى كۇرەس جۇرگىزۋدىڭ جان-جاقتى ماقساتتى شارالارى ەنگىزىلىپ جاتىر.
