بەس جاسار قىزدىڭ اياعى 54-ولشەمگە دەيىن ءوسىپ كەتتى - ۆيدەو
استانا. قازاقپارات - اۆستراليالىق دارىگەرلەر جاقىن ارادا اياعى 54 ولشەمگە دەيىن ءوسىپ كەتكەن بەس جاسار قىزدىڭ ەكى تابانىن كەسىپ تاستاۋدى جوسپارلاپ وتىر دەپ حابارلايدى life.ru.
بەس جاسار ەندجەل پاكىستاندا دۇنيەگە كەلگەن، ءبىراق جارتى جىل بۇرىن وتباسىمەن بىرگە اۆسترالياعا كوشىپ كەلگەن. The Daily Mail- ءدىڭ حابارلاۋىنشا، ەندجەلگە تۋىلعاندا سيرەك كەزدەسەتىن ليپوماتوز دەگەن دياگنوز قويىلعان. سوندىقتان قىزدىڭ اياعى 54 ولشەمگە دەيىن ءوسىپ كەتكەن.
تابانىنىڭ ۇلكەندىگىنەن كىشكەنتاي قىز اياعىن ارەڭ باسادى جانە ءاربىر قادام وعان ۇلكەن اۋىرلىق اكەلەدى.
«مەن بۇل اياقتاردان قۇتىلعىم كەلەدى، جاڭا اياق كيىم ساتىپ الىپ، بيلەگىم كەلەدى»، - دەيدى ەندجەل دارىگەرلەرگە.
ب ا ق اقپاراتتارىنا سۇيەنسەك الەمدە وسىنداي ەرەكشە دياگنوزبەن تىركەلگەن 200 وقيعا بولعان.
