قوستاناي وبلىسىندا 54 شەتەل ازاماتى تۇتقىندالدى
«قوستاناي شەكاراسى» ستاتسيونارلىق بەكەتىندە 53 وزبەكستان جانە ءبىر ازەربايجان ازاماتى بار اۆتوبۋس توقتاتىلدى.
پوليتسيا قىزمەتكەرلەرى قۇجاتتاردى تەكسەرۋ بارىسىندا شەتەل ازاماتتارى قازاقستان رەسپۋبليكاسىنىڭ زاڭناماسىن بۇزعانى انىقتالدى. ولار ەلىمىزدىڭ اۋماعىندا تىركەۋسىز جۇرسە، كەيبىرەۋلەرىنىڭ تىركەلۋ مەرزىمدەرى بىتكەن. اكىمشىلىك قۇقىق بۇزۋشىلىق تۋرالى ءىستى قوستاناي مامانداندىرىلعان اكىمشىلىك سوتى قارادى. سوت وتىرىسى بارىسىندا وزبەكستان ازاماتتارى استانا قالاسىندا قۇرىلىستا جۇمىس جاساپ، كەيىننەن اقشا تابۋ ماقساتىندا چەليابينسكىگە (رەسەي) اتتانباقشى بولعاندارىن ايتتى.
ەلىمىزدەگى شەتەل ازاماتتارىنىڭ ەرەجەسىن بۇزعاندارىن زاڭنامانى بىلمەيتىندىگىمەن ءتۇسىندىردى. «سوتتىڭ ۇكىمىمەن شەتەلدىك ازاماتتار اكىمشىلىك جاۋاپقا تارتىلىپ، 1 دەن 5 تاۋلىككە دەيىن اكمىشىلىك قاماۋعا الىندى (باپتىڭ سانكسياسى 15 تاۋلىككە دەيىن قارالادى)»، - دەپ حابارلادى قوستاناي قالالىق پروكۋراتۋراسىنىڭ پروكۋرور بولىمىنەن ايدار بەكنازاروۆ.
