10:46, 15 - جەلتوقسان 2016 | GMT +5
اقتوبەلىك 54 جاسىندا ۇشەمنىڭ اكەسى اتاندى
استانا. قازاقپارات - اقتوبە وبلىسىندا 13 جىلدان كەيىن العاش رەت جاساندى جولمەن ۇرىقتاندىرىلماعان ۇشەم دۇنيەگە كەلدى، دەپ جازدى «موي گورود» پورتالى.
العا قالاسىنىڭ تۇرعىنى جارلىحان سەيىتوۆ 8 -جەلتوقسان كۇنى كۇندىزگى تورتتەر شاماسىندا قۋانىشتى حابار الدى. 54 جاستاعى ينجەنەر-مەحانيكتىڭ ۇشەمنەن بولەك، ءتورت بالاسى بار: ۇلكەنى ءانۋار ون ءۇش جاسقا تولسا، ءۇش قىزدىڭ ەڭ كىشىسى توميريس ۇشكە كەلدى. جاڭا تۋعان سەيىتوۆتەردىڭ جاعدايى جاقسى، ءۇش ۇلدىڭ ءارقايسىسىنىڭ سالماعى - 2700 گرامم. ولارعا ءالى ەسىم بەرىلگەن جوق.
