قىتايدا ەرلى-زايىپتىلار 54 جىل ۇڭگىردە تۇرىپ كەلگەن

استانا. قازاقپارات - قىتايدىڭ وڭتۇستىك-باتىسىندا سىچۋان پروۆينتسياسىنان ەرلى-زايىپتىلار 54 جىل ۇڭگىردە تۇرىپ كەلگەن.

بيلىكتىڭ ۇگىتتەگەنىنە قاراماستان تۇرعان جەرلەرىنەن كەتكىسى جوق، دەپ حابارلادى جەنمين جيباۋ - People's Daily.

باسىلىم دەرەكتەرىنە سايكەس، 81 جاستاعى ليان جىفۋ مەن ونىڭ 77 جاستاعى زايىبى لي سۋين 54 جىل بۇرىن ۇيلەنگەننەن كەيىن نانچۋن قالاسىنا جاقىن ورنالاسقان ۇڭگىرگە قونىستانعان. سول كەزدە جاس جۇپتىڭ جەكەمەنشىك ۇيلەرى بولماي، ۇڭگىرگە كوشىپ بارۋعا ءماجبۇر بولعان. ۋاقىت وتە كەلە ولار تۇرعىن ۇيلەرىن كەڭەيتكەن، وندا ءۇش جاتىن بولمە، اس ءۇي، قوناق ءۇي جانە قوسالقى شارۋاشىلىعى دا بار، دەپ حابارلادى ر ي ا نوۆوستي.

باسىلىم جاريالاعان سۋرەتتە ولاردىڭ تەلەديدارى مەن جەلدەتكىشى دە بار ەكەنى كورىنىپ تۇر.

وسى ۋاقىت ارالىعىندا ولاردا 4 بالا دۇنيەگە كەلگەن.