وسىدان 54 جىل بۇرىن ۇشتى-كۇيلى جوعالعان ۇشاقتىڭ بولىكتەرى تابىلدى

استانا. قازاقپارات - اند تاۋلارىنداعى بيىكتىكتى باعىندىرۋعا شىققان ءبىر توپ ادام 50 جىلدان استام ۋاقىت بۇرىن ءىز-ءتۇزسىز جوعالعان ۇشاقتىڭ بولىكتەرىن تاپتى، دەپ حابارلادى www.24.kz.

LAN Airlines اۋە كومپانياسىنا تيەسىلى Douglas DC-3 كولىگى 1961-جىلى ءساۋىردىڭ 3 ءى كۇنى اپاتقا ۇشىراعان. ونىڭ بورتىندا 24 ادام بولعان. اپاتتان سول كەزدەگى Green Cross اتتى چيليلىك فۋتبول كومانداسىنىڭ 8 مۇشەسى قازا تاپقان ەدى.

«الدىمەن ورتتەن زاقىمدانعان پروپەللەردى تاۋىپ الدىق. قىرىق بولىككە بولىنگەن ۇشاق جارتاستاردىڭ اراسىندا جاتىر. ناقتى قاي جەردە جاتقانىن جاريا ەتكىم كەلمەيدى. اپات ورنىنىڭ تۋريستەر قىزىقتايتىن جەرگە اينالعانىن قالامايمىن»، - دەدى الپينيست

لەوناردو البورنوز.