قاراعاندى پوليتسەيلەرى وزبەكستاندىق اۆتوبۋستىڭ 54 جولاۋشىسىن قۇتقاردى
بۇل تۋرالى ءوڭىردىڭ ءى ءى د باسپا ءسوز قىزمەتى حابارلادى.
«وتكەن دەمالىس كۇندەرى قۇرامىندا پوليتسيا اعا لەيتەنانتى سەرىك ەسپەرگەنوۆ، پوليتسيا اعا سەرجانتى اسەت جاباعين بار قاراعاندى وبلىسى ءى ءى د جول-پاترۋلدىك پوليتسياسى باتالونىنىڭ ەكيپاجى رەسپۋبليكالىق « قىزىلوردا- پاۆلودار» اۆتوجولىن باقىلاۋعا شىققان. ولار 991 شاقىرىمداعى پەتروۆكا اۋىلىنا بۇرىلىستا توقتاپ تۇرعان «مەرسەدەس» اۆتوبۋسىن بايقايدى، كولىك ىشىندە وزبەكستان رەسپۋبليكاسىنىڭ 54 ازاماتى جانە ەكى جۇرگىزۋشى بولعان»، - دەلىنگەن حابارلامادا.
ول نوۆوسىبىردەن تاشكەنتكە باعىت العان اۆتوبۋس بولىپ شىقتى. جولدا كولىك سىنىپ قالعان. جولاۋشىلار توڭا باستاعان.
پوليتسەيلەر كومەككە تاعى ءبىر ەكيپاج شاقىردى. جولاۋشىلاردى ارنايى كولىككە، جولشىباي كەتىپ بارا جاتقان كولىكتەرگە وتىرعىزىپ جاقىن ماڭداعى ءدامحاناعا جەتكىزدى. ارتىنشا جۇرگىزۋشىلەرگە اۆتوبۋستى شىعارۋعا كومەكتەسىپ، كەمپينگكە دەيىن جەتكىزىپ سالدى.
