قىتايدا عيمارات قيراپ، ءۇيىندى استىندا قالعان 53 ادام مەرت بولدى

ورتالىق قىتاي تەلەارناسىنىڭ مالىمەتىنشە، جۇما كۇنى تاڭەرتەڭ ق ح ر سولتۇستىگىندەگى شانشي پروۆينتسياسى سزينچجۋن قالالىق وكرۋگىندە قۇرىلىس ماتەريالدارىن وندىرەتىن سەح عيماراتى وپىرىلعان. وقيعا سالدارىنان بىرنەشە ادام عيمارات ىشىندە قالىپ قويعان. وقيعا ورنىندا قۇتقارۋ جۇمىستارى ءجۇرىپ جاتىر.

بۇعان دەيىن حابارلانعانداي، 29- ساۋىردە چانشا قالاسىندا (ورتالىق قىتاي، حۋنان پروۆينتسياسى) التى قاباتتى تۇرعىن ءۇي عيماراتى قيراعان بولاتىن. جۇماداعى جاعداي بويىنشا، جەرگىلىكتى بيلىك 53 ادامنىڭ مەرت بولعانىن راستادى. ءۇيىندى استىنان 10 تۇرعىن شىعارىلدى. ىزدەۋ- قۇتقارۋ جۇمىستارى اياقتالدى.

جەرگىلىكتى ب ا ق مالىمەتىنشە، پوليتسيا قۇلاعان عيماراتتىڭ يەسىن ۇستاعان. قۇقىق قورعاۋ ورگاندارى تەرگەۋ جۇمىستارىن جۇرگىزىپ جاتىر.

اۆتور: اقبوپە ءابدراسۋل