الەمدە 53 ميلليون ادام ەسىرتكى تۇتىنادى – ب ۇ ۇ
بايانداما ءماتىنىن ق ر ىشكى ىستەر مينيسترلىگىنىڭ ەسىرتكى بيزنەسىنە قارسى كۇرەس دەپارتامەنتى تاراتتى، دەپ حابارلايدى قازاقپارات ءتىلشىسى.
قۇجاتتا ەسىرتكى قولدانۋشىلارىنىڭ سانى بولجامدى مولشەردەن 53 پايىزعا اسىپ، 53 ميلليون ادامعا جەتكەنى ايتىلعان.
«سينتەتيكالىق ەسىرتكى اينالىمى ارتقان سايىن فەنتانيل مەن ونىڭ بالامالارىن تۇتىنىپ كوز جۇمعان ادامدار سانى كوبەيۋدە. 2017-جىلى ەسىرتكىدەن 585 مىڭ ادام اجال قۇشتى. وسى ولىمدەردىڭ ۇشتەن ەكىسىن وپيۋم تۋدىرعان. الەمدە ەڭ كوپ تارالعان ەسىرتكى - قاراسورادان الىناتىن كاننابيس. ال ەڭ قاۋىپتى ەسىرتكى - گەروين مەن وپيۋم. الەمدەگى گەروين اينالىمىنىڭ ەڭ ءىرى باعىتى بۇرىنعىداي بالقان ارقىلى وتۋدە. ياعني، ەسىرتكى اۋعانستاننان يرانعا، تۇركياعا، بالقان ەلدەرىنە كونتراباندالىق جولمەن تۇسەدى»، - دەلىنگەن باياندامادا.
سونداي-اق، گەروين اۋعانستاننان پاكىستان ارقىلى وڭتۇستىك ازياعا، افريكاعا جانە ورتالىق ازيا ارقىلى رەسەي نارىعىنا شىعاتىنى ايتىلعان. دەگەنمەن، حالىقارالىق ساراپشىلاردىڭ مالىمەتىنشە، بۇل باعىتتاردىڭ ماڭىزدىلىعى بارا-بارا تومەندەپ كەلەدى. مۇنى ولار سينتەتيكالىق ەسىرتكىنىڭ كەڭىنەن تارالۋىمەن ءتۇسىندىرىپ وتىر.
باياندامادا ورتالىق ازيا ەلدەرى بۇل باعىتتا ب ۇ ۇ- نىڭ ەسىرتكى جانە قىلمىس جونىندەگى باسقارماسىنىڭ قولداۋىمەن ارەكەت ەتىپ جاتقانى ايرىقشا اتالعان. الماتىدا ورنالاسقان ورتالىق ازيا وڭىرلىك اقپاراتتىق ۇيلەستىرۋ ورتالىعى سياقتى پلاتفورمالار ارقىلى وڭىردە ىنتىماقتى كۇرەس ءجۇرىپ جاتقانى دا قۇجاتقا ارقاۋ بولعان.
اتالمىش باياندامانىڭ تولىق ماتىنىمەن ق ر ىشكى ىستەر مينيسترلىگىنىڭ رەسمي پورتالىنان تانىسۋعا بولادى.
ب ۇ ۇ باس حاتشىسى انتونيۋ گۋتەرريشتىڭ ۇندەۋىندە مەملەكەتتەر ناشاقورلىقتىڭ الدىن الۋى، ەسىرتكىگە قۇمارلاردى ولاردىڭ قۇقىقتارىن ساقتاي وتىرىپ، وڭالتۋدان وتكىزۋى قاجەتتىگىن اتاپ ءوتتى. بۇل رەتتە، وتباسى، مەكتەپ پەن قوعام ماڭىزدى رول وينايدى. ب ۇ ۇ باس حاتشىسى سونداي-اق، ەل ۇكىمەتتەرىن جاستارمەن جۇمىس ىستەپ، ولاردىڭ سالاۋاتتى ءومىر سالتىن ۇستانۋىنا قولعابىس ەتۋگە شاقىردى.