14:32, 17 - قاراشا 2015 | GMT +5
سولتۇستىك كورەيادا 53 قاباتتى تۇرعىن ءۇي عيماراتى تۇرعىزىلدى
استانا. قازاقپارات - سولتۇستىك كورەيالىق قۇرىلىسشىلار ك ح د ر- دىڭ عالىمدارى مەن اعارتۋشى قايراتكەرلەرى، مەملەكەتتىك جانە پارتيالىق ماماندارىنا ارناپ، پحەنياندا 53 قاباتتى ءزاۋلىم تۇرعىن ءۇي سالدى.
بۇل تۋرالى ريەنحاپ اقپاراتتىق اگەنتتىگى حابارلايدى.
ولاردىڭ مالىمەتىنشە، وسى اپتادا ەل پرەمەرى پاك پون چجۋ مەن ونىڭ ورىنباسارى رو دۋ چحول جانە كورەيانىڭ ەڭبەكشىلەر پارتياسىنىڭ حاتشىلارى عيماراتتى تولىق قاراپ شىققان. عيماراتتىڭ ءاربىر قاباتىندا 6 پاتەردەن ورنالاسقان. سونداي- اق تۇرعىن ءۇي كەشەنىندە 150 گە جۋىق حالىققا قىزمەت كورسەتۋ پۋنكتەرى جۇمىس ىستەپ تۇر، سونىمەن قاتار تۇرعىنداردىڭ دەمالىسى ءۇشىن باسكەتبول، ۆولەيبول، بادمينتونعا ارنالعان زالدار دا اشىلعان.
