قىتايدا 53 جولاۋشىسى بار ۇشاق اپاتقا ۇشىرادى - كەسكىن
TransAsia Airways اۋە كومپانياسىنىڭ ۇشاعى تايۆان استاناسى - تايبەيدە وزەنگە قۇلادى. اپاتتان ەكى ادامنىڭ قازا تاپقانى جانە وننان استام ادامنىڭ قۇتقارىلعانى حابارلاندى.
تاعى دا ون شاقتى ادام ۇشاقتىڭ ىشىندە قامالىپ قالعان. كەيبىر جولاۋشىلار ۇشاقتان ءوز بەتىمەن شىعىپ، جاعالاۋعا جەتكەن. وزگە ب ا ق- تاردىڭ مالىمەتىنشە، اۋە اپاتىنان 9 ادام قازا تاپتى.
الدىن الا مالىمەت بويىنشا، ATR 72 ۇشاعى Taipei Songshan Airport اۋەجايىنان كوتەرىلگەن كەزدە كوپىرگە سوعىلىپ، ودان كەيىن جيلۋن وزەنىنە قۇلاعان. ۇشاق جينمەن ارحيپەلاگىنداعى ارالدارعا ۇشۋى كەرەك بولعان. اپات ورنىنا قۇتقارۋشىلار مەن ءورت سوندىرۋشىلەر جونەلتىلدى. ۇشاق بورتىندا جالپى 58 ادام بولعان، ونىڭ بەسەۋى - ەكيپاجدىڭ مۇشەسى.
بۇعان دەيىن يندونەزيادا ۇشاق اپاتقا ۇشىراعان ەدى. AirAsia اۋە كومپانياسىنىڭ ۇشاعى 2014 -جىلدىڭ 28 - قاڭتارىندا سۋرابايادان سينگاپۋرعا ۇشىپ بارا جاتىپ، رادار ەكراندارىنان جوعالىپ كەتكەن بولاتىن. ۇشاق بورتىندا 162 ادام بولدى، ونىڭ بارلىعى قازا تاپتى.
كەيىن ەل بيلىگى اۋە كەمەسىنىڭ تەڭىزگە قۇلاعانىن مالىمدەدى. ىزدەستىرۋ جۇمىستارى بورنەو جاعالاۋىندا جۇرگىزىلدى. قۇتقارۋشىلار جولاۋشىلاردىڭ دەنەسى مەن ۇشاقتىڭ سىنعان بولىكتەرىن تاپتى. بۇگىنگە دەيىن 70 ادامنىڭ دەنەسى سۋ بەتىنە شىعارىلدى. لاينەردىڭ «قارا جاشىگىن» ماماندار زەرتتەپ جاتىر.
tengrinews.kz
