پرەزيدەنتتىڭ 53 جىلدىق كورشىنە ن. نازاربايەۆتىڭ جاڭا جىلمەن قۇتتىقتاۋىن تاپسىردى
اقتوبە قالاسىنىڭ تۇرعىنى 93 جاستاعى ەۆدوكيا يۆانوۆنا سانجاروۆا ۇزاق ۋاقىت، 53 جىل بويى - سوعىستان كەيىن جانە 90 - جىلدىڭ سوڭىنا دەيىن نۇرسۇلتان ءابىش ۇلىنىڭ ۇيىمەن كورشى تۇرعان. ونىڭ اتا-اناسىمەن ەتەنە جاقىن ارالاسقان، بولاشاق پرەزيدەنتتى بالالىق شاعىنان بىلەدى.
ەۆدوكيا يۆانوۆنا نۇرسۇلتان ءابىش ۇلىنا وسىنداي قامقورلىق كورسەتكەندىگى ءۇشىن ايتقان العىسىن، سونداي-اق جاقىنداپ قالعان جاڭا جىلدا وعان دەنساۋلىق، بار جاقسىلىقتى تىلەيتىندىگىن جەتكىزۋدى سۇرادى.
ەسكە سالا كەتسەك، اعىمداعى جىلى اقتوبە وبلىسىنا جۇمىس ساپارى بارىسىندا «دارۋ» كلينيكاسىن ارالاعان ەلباسى وسى مەديتسينالىق مەكەمەدە ەمدەلىپ جاتقان ەۆدوكيا سانجاروۆامەن كەزدەسكەن ەدى.
سونداي-اق سوعىس ارداگەرلەرى - 92 جاستاعى جالعاسباي قۋاتوۆتى، 90 نىڭ تابالدىرىعىنان اتتاعان المات ەرماعامبەتوۆتى جانە 87 جاستاعى فەدور چەمودانوۆتى ارنايى ۇيلەرىنە بارىپ قۇتتىقتاعان ءوڭىر باسشىلارى ولاردىڭ جاعدايلارىن سۇراستىردى. مەملەكەت باسشىسىنىڭ جاڭا جىلمەن قۇتتىقتاۋىن جەتكىزىپ، سىي-سياپاتتار تاپسىردى.
قاريالار وتكەن كۇندەرىن ەسكە الىپ، قازىرگى عۇمىرلارىنا شۇكىرشىلىك ەتەتىندەرىن ايتتى.
«سىزدەر باستارىڭىزدى اجالعا تىگىپ، قارۋلاستارىڭىزدان ايىرىلا وتىرىپ، جاۋمەن قيان-كەسكى شايقاستا جەڭىسكە جەتتىڭىزدەر. وتانىمىزدىڭ تاۋەلسىزدىگىن ساقتاپ قالدىڭىزدار. سىزدەردىڭ ۇلى ەرلىكتەرىڭىزگە تاعزىم ەتەمىز»، - دەدى ايماق باسشىسى.
ءوز تاراپتارىنان ارداگەرلەر ەلباسىنا العىستارىن ايتا كەلە، وزدەرىنە مۇمكىندىككە وراي جان-جاقتى الەۋمەتتىك كومەك كورسەتىلەتىندىگىن جەتكىزدى.
