08:21, 06 - ماۋسىم 2017 | GMT +5
امەريكالىق اۆتوشاباندوزدىڭ كولىگى ساعاتىنا 530 ك م جىلدامدىقتا جارىلدى
استانا. قازاقپارات - امەريكانىڭ نيۋ- گەمپشير شتاتىندا اسا قۋاتتى جارىس اۆتوكولىگى باسەكە كەزىندە وقيعاعا سوقتىرا جازدادى. درەگ- رەيسينگ تاريحىنداعى اتاقتى اۆتوشاباندوز دجون فورستىڭ قىزى باسقارعان ماشينا ساعاتىنا 530 شاقىرىم جىلدامدىقتا جارىلىپ كەتتى.
Daily Star باسىلىمىنىڭ مالىمەتىنشە، ستارتتان كەيىن 28 جاسار كورتني فورستىڭ اۆتوكولىگى دىرىلدەي باستاپ، اياق استىنان وتتى شارعا اينالعان. تاڭقالارلىعى، اسا اۋىر جاعدايدا ول كولىكتى دۇرىس باسقارىپ، درەگستەردى توقتاتا ءبىلدى.
كورتني امان قالىپ قانا قويعان جوق، قيراعان اۆتوموبيلدەن ءوز بەتىمەن شىعىپ، اپاتتىڭ ەرتەڭىندە بولعان اقتىق جارىستا ەكىنشى ورىندى يەلەندى.
