10:31, 15 - مامىر 2020 | GMT +5
كاتاردا ماسكاسىز جۇرگەن ادامعا 53000 دوللار ايىپپۇل سالىنادى
دوحا. قازاقپارات - كاتاردىڭ ىشكى ىستەر مينيسترلىگى جەكسەنبىدەن باستاپ ۇيدەن شىققاندا بارلىق ادامعا ماسكا تاعۋ مىندەتتەلگەنىن جاريالادى.
بۇل تالاپتى بۇزعان ادامعا 200000 ريالعا دەيىن (53000 ا ق ش دوللارى) ايىپپۇل سالىنادى، دەپ حابارلايدى قازاقپارات Reuters اگەنتتىگىنە سىلتەمە جاساپ.
«ماسكاسىز جۇرگەن ازاماتتار ءۇش جىلعا دەيىن تۇرمەگە قامالۋى مۇمكىن»، دەپ حابارلاندى مينيسترلىكتىڭ Twitter پاراقشاسىندا.
ەگەر ادام كولىكتە جالعىز كەلە جاتسا، وندا ماسكا تاقپاۋعا بولادى. سوڭعى تاۋلىكتە كاتاردا كوروناۆيرۋس جۇقتىرعان 1733 جاڭا جاعداي تىركەلدى. ەلدە اۋرۋ جۇقتىرعانداردىڭ جالپى سانى 28272 ادامعا جەتتى. 14 ادام قاۋىپتى ۆيرۋستان كوز جۇمعان.
