تۇركيادا بەس جاسار بالا ءۇيىندى استىنان 52 ساعاتتان كەيىن شىعارىلدى
بەس جاسار قىزدى قۇتقارۋشىلار امان الىپ قالدى. ول قيراعان ءۇيدىڭ استىندا قالعانىمەن، ەشقانداي جاراقات الماعان. بالا جاقىن جەردەگى اۋرۋحاناعا جەتكىزىلدى.
سونىمەن قاتار انادولى اگەنتتىگىنىڭ حابارلاۋىنشا، حاتاي پروۆينتسياسىندا جەر سىلكىنىسىنەن 49 ساعاتتان كەيىن تاعى ءبىر جاس ءوسپىرىم قىز ءۇيىندى اراسىنان قۇتقارىلدى.
ايتا كەتسەك، قازاقستان توتەنشە جاعدايلار مينيسترلىگىنىڭ قۇتقارۋشىلارى جەر سىلكىنىسى سالدارىن جويۋعا كومەك كورسەتۋ ءۇشىن الماتىدان تۇركياعا اتتاندى.
ونىڭ قۇرامىندا قازاقستاننىڭ رەسپۋبليكالىق جەدەل قۇتقارۋ جاساعىنىڭ قۇتقارۋشىلارى، مەديتسينالىق قىزمەتكەرلەر جانە قۇتقارۋشى يتتەر بار.
ءتيىستى تاپسىرمانى قازاقستان پرەزيدەنتى قاسىم-جومارت توقايەۆ بەردى. قازاقستان تۇركياعا شۇعىل كومەك رەتىندە 1 ميلليون دوللار بەرەدى.
تۇركيا پرەزيدەنتى رەجەپ تايىپ ەردوعان ەلدىڭ وڭتۇستىك-شىعىسىندا بولعان جويقىن جەر سىلكىنىسىنە بايلانىستى 12- اقپانعا دەيىن جەتى كۇندىك ۇلتتىق ازا تۇتۋ جاريالادى.
