رينگكە 52 جاسىندا العاش شىققان بوكسشى رەكورد جاسادى
ۆۋستەر (ماسساچۋسەتس، ا ق ش) قالاسىندا وتكەن بوكس كەشىندە ياننۋتستسي بىردە-ءبىر جەڭىسى جوق 37 جاستاعى برازيليالىق لۋسينەي سانتوسپەن قولعاپ ءتۇيىستىرىپ، ءبىرىنشى راۋندتا نوكاۋتقا ءتۇسىردى.
وسىلايشا، ول كاسىپقوي رينگتە دەبيۋت جاساعان جاسى ەڭ ۇلكەن سپورتشى رەتىندە رەكوردتار كىتابىنا ەندى. وسىعان دەيىنگى رەكورد تاعى ءبىر امەريكالىق ديۋي بوزەللەگە 11 جىلدان بەرى تيەسىلى بولىپ كەلگەن ەدى.
وسىعان دەيىن اۋەسقويلار اراسىندا تاجىريبەسى بار ياننۋتستسي جەكپە-جەك الدىندا كاسىپقويدا تەك ءبىر ايقاس وتكىزەتىنىن مالىمدەدى. جەكپە-جەكتەن كەيىن دە رايىنان قايتپادى.
«قارسىلاسىمنىڭ قولى قارۋلى ەكەن. مەنىڭ باسىمدى جۇلىپ الا جازدادى. الايدا بۇگىنگى كەش مەن ءۇشىن ءساتتى اياقتالدى. ءبىر جەكپە-جەك جەتكىلىكتى. ايەلىم رينگكە تاعى دا شىعۋعا رۇقسات بەرمەيدى»، - دەيدى ياننۋتستسي.
